Ystanbuldaǵy qazaqtar jer silkinisinen zardap shekkenderge kómek joldap jatyr, dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
"Qazaqstannyń Ystanbuldaǵy Bas konsýldyǵy, elimizdiń belsendi azamattary, stýdentter jáne jergilikti qazaq diasporasy Túrkiianyń alapat zilzala saldarynan zardap shekken aimaqtaryna gýmanitarlyq kómek joldaý boiynsha belsendi jumys istep jatyr.
Osy ýaqytqa deiin somasy shamamen 160 myń AQSh dollaryn quraityn kómek jinalyp, jóneltildi. Atap aitqanda, balalar taǵamdary, balalar kiimderi, jórgekter, azyq-túlik, jyly kiimder, kórpeler jáne t.b. qajetti ónimder joldanyp jatyr. Gýmanitarlyq kómek túrik bilik organdarynyń kelisimimen jasalýda" - delingen habarlamada.
Bas konsýl Álim Baiel búkil Qazaqstan halqy jumylyp, baýyrlas Túrkiiaǵa qoldaý kórsetip jatqan sátte bul kómekke óz úlesin qosqan Ystanbuldaǵy qazaqtarǵa alǵys aitty.
