Túrkiiada 22-24 qazan aralyǵynda Ystanbulda ótetin Túrki keńesiniń «Tuǵyrly tarihy bar jarqyn bolashaq» taqyrybyndaǵy mediaforýmy bastaldy, dep habarlaidy QazAqparat.
Túrkiia Respýblikasynyń Prezidenti Rejep Taiyp Erdoǵan óziniń beinejoldaýynda mediaforýmnyń búkil qatysýshylaryna sáttilik tiledi.
Túrki keńesiniń Bas hatshysy Baǵdad Ámireev mediaforýmnyń jumysyn ashyp, óziniń sózinde forým taqyryby ortaq tamyry bar jáne túrli salalardaǵy ózara tiimdi yntymaqtastyq úshin úlken perspektivalary bar túrki áleminiń barlyq elderi úshin ózekti ekenin atap ótti.
Qazaqstandyq delegatsiiany Aqparat jáne qoǵamdyq damý vitse-ministri Kemelbek Oishybaev bastap otyr.
Jalpy, mediaforým jumysyna Túrki keńesine múshe Qazaqstan, Túrkiia, Ázerbaijan, Qyrǵyzstan, Ózbekstan, baqylaýshy el - Majarstan, sondai-aq Túrkimenstan elderinen 350-den astam adam qatysýda, olardyń qatarynda jetekshi BAQ ókilderi, ǵylym jáne mádeniet qairatkerleri, kinoindýstriia, memlekettik organdardyń ókilderi, belgili blogerler men kommýnikatsiia fakýltetteriniń stýdentteri bar.
Forýmda kinoindýstriia jáne BAQ salasyndaǵy yntymaqtastyqty damytý múmkindikteri, sondai-aq dezinformatsiiaǵa, onyń ishinde áleýmettik jelilerge qarsy birlesken kúres talqylanady.
