Hanzada Garri men Megan Markl AQSh-taǵy alty jylǵa jýyq ómirinen keiin Ulybritaniiaǵa birjola oralýdy josparlap otyr. Bul týraly BBC derekkózderge silteme jasap habarlady.
Britandyq BAQ málimetinshe, Sasseks gertsogy men gertsoginiasy Kaliforniiadan tamyz aiynyń sońynda kóshýdi josparlap otyr. Erli-zaiypty Londonnan tys ornalasqan jeke rezidentsiiaǵa qonystanbaq.
Kóshýdiń negizgi sebepteriniń biri – balalarynyń bilimi. Jeti jastaǵy hanzada Archi men bes jastaǵy hanshaiym Lilibet qyrkúiek aiynda Ulybritaniiadaǵy mektepke barýy tiis.
Korol otbasy qalai qabyldady?
Habarlanǵandai, korol III Karl ulynyń josparynan resmi túrde habardar bolǵan. Monarh bul jańalyqqa oń kózqaras bildirip, nemerelerimen jii kezdesýge múmkindik týatynyna qýanyshty ekenin jetkizgen.
Sondai-aq hanzada Ýiliam men hanshaiym Ketrin de Garri men Megannyń Ulybritaniiaǵa oralý josparyn biledi.
Alaida olardyń elge oralýy koroldik otbasynyń resmi mindetterine qaita qosylýdy bildirmeidi. Erli-zaiypty jeke tulǵa retinde qala beredi.
Garri men Megannyń koroldik otbasymen qarym-qatynasy 2020 jyldan beri shielenisti bolyp kelgen. Jaǵdaidyń ózgerýine biyl shildede erli-zaiyptynyń balalarymen birge III Karlmen Glostershirde kezdesýi yqpal etken. Bul olardyń sońǵy tórt jyldaǵy alǵashqy júzdesýi bolǵan.
Sonymen qatar Garri men Megannyń Ulybritaniiadaǵy qaýipsizdigi máselesi ázirge tolyq sheshilgen joq. Buǵan deiin hanzada Garri Ulybritaniia Ishki ister ministrligimen sottasyp, memlekettik politsiia kúzetin qaita berýdi talap etken edi. Alaida sot onyń talabyn qanaǵattandyrmaǵan.
Ázirge Býkingem saraiy men hanzada Garridiń ózi bul aqparatqa qatysty resmi pikir bildirgen joq.
