Qazaqstannyń barlyq óńirinde «World CleanUp Day 2021» Dúniejúzilik aktsiiasy ótti, dep habarlaidy "Ult aqparat" Ekologiia ministrligine silteme jasap.
QR Ekologiia, geologiia jáne tabiǵi resýrstar ministrligi uiymdastyrǵan sharaǵa 18 myńnan astam adam qatysty. Jinalǵan qoqys kólemi 11 myń tonnadan asty. 23 myń gektar aýmaq jinalyp, 1800-ge jýyq aǵash otyrǵyzyldy.
Biyl búkil el boiynsha tazalaý úshin myńnan astam oryn anyqtaldy. Nur-Sultan qalasyndaǵy negizgi alań Almaty aýdanyndaǵy Nura-Esil kanalynyń boiyndaǵy ýchaske boldy.
«World CleanUp Day» Búkilálemdik aktsiiasy qoqysty jinaýǵa ǵana emes, ony suryptap, qaita óńdeýge de baǵyttalǵan. Suryptalǵan qoqystardan biylǵy jyly qaita óńdeýge shyny, plastik, rezeńke, qaǵaz, karton, metall siiaqty eki myń tonna qaldyq tapsyryldy.
Mundai aktsiialar halyq arasynda ekologiialyq mádenietti odan ári qalyptastyryp, qorshaǵan ortaǵa qurmetpen qaraýǵa úiretedi ári jastardyń týǵan jeriniń tabiǵatyn qurmetteýine ynta beredi.
