Qazaqstannyń reprodýktivti meditsina qaýymdastyǵynyń prezidenti, professor Viacheslav Lokshin balalardy erikti vaktsinalaýdyń qajet shara ekenin aitady, dep habarlaidy QazAqparat.
«COVID-19 indeti áýelde ásirese egde jastaǵy adamdarda aýyr ótse, keiingi kezde balalardyń aǵzasyna da keri áserin tigizýde. Balalar arasynda COVID-19 indeti árqalai ótip jatyr. Aýyr jaǵdailary da bar, «kavasaki sindromy» da kezdesip otyr, qantamyrlardyń qyzmeti buzylýda. Sondyqtan, óte tez beiimdelgish indettiń aldyn alatyn jalǵyz jol vaktsinatsiia bolyp tur. Budan álemdi vaktsina ǵana qutqara alady», - degen maman búginde kóptegen elde balalar men 15-ten asqan jasóspirimderdi vaktsinalai bastaǵanyn eske saldy.
«Qytaida tipti 3-ten asqan balalardyń bárin vaktsinalap jatyr. AQSh pen Izrail 12 jastan bastap vaktsinalaýǵa kóshti. Bul turǵyda eshqandai bir erekshe táýekel joq ekenin aitý kerek. Óitkeni qoldanylyp jatqan vaktsina adam aǵzasynda synaqtan ótken. Onyń ishinde júkti áielderge de salyndy. Jer sharynda ondaǵan myń bala vaktsina qabyldap úlgerdi. Keibir elderde osy jastaǵy balalardyń jartysy ekpe aldy. Árine, vaktsinatsiia ata-analardyń ruqsatymen júrgizilýi kerek. Vaktsina aýrýǵa shaldyqpaýdyń nemese aýrýdy ońai ótkerýdiń jalǵyz joly ekenin túsiný kerek. Sondyqtan balalar men jasóspirimderdi erikti vaktsinatsiialaý óte qajet», - dedi Viacheslav Lokshin.
