Viacheslav Banshikov Almaty zoobaǵynyń basshysy qyzmetinen ketedi. Bul týraly zoobaqtyń baspasóz qyzmeti málimdedi, dep habarlaidy "Ult aqparat".
«Bul sheshimime qaramastan men zoobaqtyń demeýshisi bolyp qala beremin. Bastalǵan jobalardy aiaǵyna deiin jetizýge jaýapty bolamyn. Zoobaq basshylyǵyna kelgeli beri, ózimniń jumysym jaily oń pikirlerdi kóp estidim. Biraq búginde balalarǵa arnalǵan júieli áleýmettik kómek berý tetigin qurǵym keledi. Ómirdiń qiyn synaǵyna túsken balalar men otbasylarǵa ataýly áleýmettik kómek, «Shetsiz qala» jobasynyń aiasynda qala keńistikterin abattandyrýdy qolǵa alǵym keledi. Men osy baǵytta kóbirek jetistikke jeterime senimdimin», - dedi ol.
Aita ketý kerek, Viacheslav Banshikov zoobaq basshylyǵyna 23 mamyrda kelgen bolatyn. Osy ýaqyt aralyǵynda 230 mln teńge kóleminde demeýshilik qarajat tartylǵan.
Aita ketý kerek, sońǵy 3 aida Almaty zoobaǵynda 6 birdei janýar ólgen bolatyn.
Sonyń nátijesinde zoobaqtyń birneshe qyzmetkeri jumystan qýyldy.
