150-den astam uiymdy biriktiretin volonterlerdiń respýblikalyq front-ofisi 500 myń meditsinalyq maskany tegin taratty, dep habarlaidy "Ult aqparat".
Maskalar balalar úilerine, aýrýhanalarǵa jáne halyqtyń áleýmettik osal toptaryna jaqyn ýaqytta beriledi. Aita ketý kerek, front-ofis BIRGEMIZ urany aiasynda 150-den astam uiymdy biriktiredi.
«Búginde «Ulttyq volonterlik jeliniń», «Meiirimdiler klýbynyń» jáne «Astana jastarynyń» volonterleri «Nurly júrek», «Sharapat» áleýmettik qyzmet kórsetý ortalyqtarynda jáne elordalyq Balalar úiinde boldy. Búginniń ózinde 14,5 myń maska tarattyq. Qalǵan maskalar Nur-Sultan jáne Almaty qalalaryndaǵy muqtaj azamattarǵa jaqynda taratylady. Ult densaýlyǵy úshin buryn-sońdy bolmaǵan búgingidei aýqymdy jumystar jasalyp jatqan tusta ortaq iske ár adam óz úlesin qosa alady. Tipti, qarapaiym sanitarlyq erejelerdi saqtaý, ózin-ózi oqshaýlaý jáne maska kiiý osy indetke qarsy kúreste asa mańyzdy ról atqarady», - delingen respýblikalyq front-ofistiń Instagram paraqshasynda.
