Resei prezidenti Vladimir Pýtin Nobel syilyǵyna usynyldy, - dep habarlaidy RIA Novosti.
"Reseilik jazýshy Sergei Komkov 2021 jyly 10 qyrkúiekte Osloda Pýtinniń Nobel syilyǵyna úmitker bolýyna ótinish jibergenin habarlady", - delingen saitta.
Resei Federatsiiasy Prezidentiniń baspasóz hatshysy Dmitrii Peskov jazýshynyń bastamasyna pikir bildirdi.
"Sizder bul syilyqqa túrli adamdar usynylatynyn bilesizder. Bul - usynys jasaǵandardyń bastamasy. Bul jaǵdaida - osy jazýshy. Nominanttardy qaraýdyń belgili bir rásimi bar. Sheshim qabyldansa - jaqsy, qabyldanbasa - eshteńe etpeidi. Basqa nárse aitý qiyn", - dedi Peskov.
Nobel syilyǵy - jyl saiyn kórnekti ǵylymi zertteýler, revoliýtsiialyq ónertabystar nemese mádenietke, qoǵamnyń damýyna qosqan úlesi úshin beriletin eń bedeldi halyqaralyq syilyqtardyń biri.
