Astanada «Hi-Tech» jedel-profilaktikalyq is-sharasy barysynda internet arqyly alaiaqtyq jasady degen kúdikpen 28 jastaǵy azamat ustaldy, dep habarlaidy ult.kz.
Polisia.kz málimetinshe, kúdikti áleýmettik jeliler men messendjerlerde ózin senimdi deldal retinde tanystyryp, azamattarǵa Túrkiiaǵa viza rásimdeýge kómektesetinin aitqan. Ol qujattardy daiyndaý jáne viza rásimdeý shyǵyndaryn syltaýratyp, jábirlenýshiden aldyn ala 600 myń teńge alǵan.
Alaida aqshany alǵannan keiin ýáde etken qyzmetin kórsetpei, túrli syltaýmen ýaqyt sozǵan. Keiin jábirlenýshimen bailanysyn úzgen.
Jedel-izdestirý is-sharalary nátijesinde kúdiktiniń jeke basy anyqtalyp, ol ustaldy. Qazir atalǵan fakti boiynsha sotqa deiingi tergeý júrgizilip jatyr.
Astana qalasynyń politsiia departamenti azamattardy internettegi aqyly qyzmetterge qatysty usynystarǵa saqtyqpen qaraýǵa shaqyrdy. Aldyn ala aqsha aýdarmas buryn qyzmet kórsetýshiniń zańdylyǵy men senimdiligin tekserý qajet.
