Koronavirýs infektsiiasyn juqtyryp, oqshaýlanǵan qyzmetkerlerge eńbekke jaramsyzdyq paraǵy boiynsha tólenetin ótemaqynyń mólsherin kóbeitý máselesi qaralyp jatyr. Bul týraly Eńbek jáne halyqty áleýmettik qorǵaý birinshi vitse-ministri Aqmádi Sarbasov málim etti, dep habarlaidy QazAqparat.
Qyzmetkerdiń PTR-test qorytyndysy koronaviýrs infektsiiasyn juqtyrǵanyn anyqtasa, ol 14 kúnge oqshaýlanýy kerek. Bul kezde qyzmetkerge eńbekke ýaqytsha jaramsyzdyq paraǵy ashylmasa, jumysshy bala-shaǵasyn qalai asyraidy? Ondailardyń arasynda kópbalaly otbasylar da bolýy múmkin ǵoi?
Ortalyq kommýnikatsiialar qyzmetinde ótken brifingide Eńbek jáne halyqty áleýmettik qorǵaý ministrliginiń ókilderine osyndai saýal qoiyldy.
«Halyqtyń áleýmettik-epidemiologiialyq ál-aýqaty boiynsha zańnama talaptary bar ekeni túsinikti. Bul zańnama qyzmetker infektsiia juqtyrsa, syrqattaný qaýpin barynsha azaitýǵa múmkindik beredi. Biraq eńbek qatynastary turǵysynan bul talaptar jumys berýshini de, qyzmetkerdi de shektemeidi. Mysaly, adam karantinde bolsa da, óz qyzmetin qashyqtan iske asyra alady. Biyl Parlament pen Úkimet el basshylyǵynyń tapsyrmasy boiynsha qashyqtan jumys isteýdi reglamentteitin jeke zań qabyldady. Sondyqtan, taraptar kelisip jatsa, oqshaýlanǵan qyzmetker qashyqtan jumys istei alady. Al densaýlyǵyna bailanysty eńbekke jaramsyzdyq paraǵyn ashqan bolsa, jalaqy 15 AEK mólsherinde shekteledi. Budan artyq aqsha tólenbeidi. Biraq bul másele de talqylanyp jatyr», - dedi ministrdiń orynbasary.
Sondai-aq, ol kópbalaly otbasynyń asyraýshysy osyndai shekteýge tap kelse, memleketten qandai kómek beriletinin túsindirdi.
«Kóp balaly otbasyda týyndaýy múmkin áleýmettik táýekelge keletin bolsaq, memleket tarapynan barlyq áleýmettik tólemder tolyq kólemde tólenip otyr. Olar shekteýlerge bailanysty joǵaltqan tabysyna qaramastan, kópbalaly otbasy retinde túrli kómekter alady», - degen Aqmádi Sarbasov qashyqtan jumys istegen qyzmetkerdiń ailyǵy qysqartylmaitynyn aitty.
«Qyzmetker óz úiinde oqshaýlansa, qashyqtan jumys istei alady. Sonymen qatar, onyń jalaqysyna eshqandai shekteýler bolmaidy. Al eńbekke jaramsyzdyq paraǵy ashylsa, eńbekqaysynyń 20 paiyzy ǵana tólenedi. Biz osy másele boiynsha biz qazir seriktestermen birlesip jumys istep jatyrmyz. Iaǵni eńbek standarttarymyz týraly aityp otyrmyn. Eger adam aýyryp qalsa, oǵan 43 myń teńge mólsherinde tólem boiynsha shekteýler qoiylady. Bul mólsher qyzmetkerdiń ortasha tabysyna sáikes kelmeitini túsinikti. Sondyqtan bul másele bizdiń saraptamalyq top sheńberinde jumys berýshilermen birlesip, qalyptasqan epidemiologiialyq jaǵdai sheńberinde ony ulǵaitý turǵysynan qaralýda», - dedi vitse ministr.
