Vetnamnan Qazaqstanǵa halyqaralyq izdeýde júrgen shetel azamaty ekstraditsiialandy. Ol Qazaqstannyń quqyq qorǵaý organdarynan jasyrynyp júrgen jáne biyl aqpan aiynda Vetnam aýmaǵynda ustalǵan. Bul týraly Bas prokýratýra habarlady, dep habarlaidy ult.kz.
Tergeý málimetinshe, kúdikti 2022–2023 jyldary sybailasymen birge Almaty qalasynda zańsyz oiyn biznesin uiymdastyryp, qylmystyq áreketten 12 million teńgeden astam tabys tapqan.
Kúdiktiniń sybailasy buǵan deiin qylmystyq jaýapkershilikke tartylǵan. Al sheteldik azamat tergeýden boi tasalap, halyqaralyq izdeýge jariialanǵan bolatyn.
Ekstraditsiialanǵannan keiin ol tergeý izoliatoryna qamaldy.
Bas prokýratýranyń málimetinshe, aiyp dáleldengen jaǵdaida kúdiktiniń múlki tárkilenip, bes jylǵa deiin bas bostandyǵynan aiyrylýy múmkin.
Eske salaiyq, buǵan deiin Qazaqstanǵa World Business Consulting qarjy piramidasy isi boiynsha kúdikti de ekstraditsiialanǵan bolatyn. Ol 2026 jyldyń qańtarynda Grýziiada ustalǵan edi.
