Foto: Videodan skrinshot
Vetnamda joǵalǵan Ásem Áýbákirge qatysty Qazaqstan Respýblikasy Syrtqy ister ministrligi túsinikteme berdi, dep habarlaidy Ult.kz.
Vedomstvonyń málimetinshe, qazaqstandyq diplomattar qyzdy izdeý jumysyna qazirdiń ózinde qosylǵan.
«Qazaqstannyń Vetnamdaǵy elshiligi Aýbakir Asemniń týystarymen bailanysta jáne Vetnamnyń quzyrly organdarymen birlesip jumys istep jatyr. Qazirgi ýaqytta onyń júrgen jerin anyqtaý jumystary júrgizilýde. Bul jaǵdai QR SIM baqylaýynda», – dep habarlady quzyrly organ.
Qyzdy izdeý jumystary jalǵasyp jatyr.
Aita keteiik, 1999 jyly týǵan qazaqstandyq Ásem Áýbákir Vetnamda habar-osharsyz ketken. Ol sońǵy ret 6 naýryz kúni saǵat 14:42 shamasynda Hoshimin qalasynda júrgen kezde týystarymen bailanysqan. Joǵalyp keter aldynda Ásem qatty alańdaǵanyn, bireýler ózin ańdyp júrgendei sezinetinin aitqan. Sodan beri jaqyndary onymen bailanysa almai otyr.
Buǵandeiin Ásemniń týystary ony izdeý boiynsha tiisti ótinishti joldaǵanymen, Vetnam biligi ony áli qarap jatqanyn jazǵanbyz.
Ásemniń otbasy Vetnamda nemese oǵan jaqyn elderde júrgen qazaqstandyqtardan kómek suraidy. Sondai-aq sol jaqta turatyn tanystary men týystary bar azamattardan da izdeý jumystaryna qoldaý kórsetýdi ótinedi.
