Venesýelanyń batysyndaǵy Merida shtatynda sý tasqyny bolyp, saldarynan kem degende 20 adam zardap shekti, dep habarlaidy QazAqparat Reuters-ke silteme jasap.
Meridany basqaratyn sotsialistik partiianyń resmi ókili qaza tapqandar sanynyń óskenin málim etip, bilik keibir aýdandaryndaǵy telefon bailanysyn qalpyna keltirip jatqanyn aitty.
«Demokratiialyq áreket» oppozitsiialyq partiiasynyń múshesi, shtat gýbernatory Ramon Gevara 1200 úi qirap, 17 adam iz-túzsiz joǵalǵanyn málimdedi.
Ishki ister ministri Remigio Sebalo memlekettik telearnaǵa joldar men kópirlerdi qospaǵanda 87 mýnitsipalitette 54 543 adam zardap shekkenin habarlady. Ol Merida, Tachira, Sýliia, Apýre, Amazonas, Bolivar, Delta-Amakýro, Monagas jáne Aragýa shtattarynda tótenshe jaǵdai jariialanǵanyn aitty.
Qazirgi ýaqytta qarýly kúshterdiń áskeri qyzmetshilerine qosymsha 80 órt sóndirýshi men 60 azamattyq qorǵanys qyzmetkeri apat saldaryn joiý jumystaryna tartylǵan.
