Qazaqstanda koronavirýstyń taralýyna jol bermeý jónindegi vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
Koronavirýstyń «delta» mýtatsiiasy saldarynan aýrý neǵurlym aýyr túrde júredi jáne ólim qaýpi joǵary, virýstyń bul túri búkil álemge taraldy.
Reseilik vaktsina jasaýshylar «KoviVak» preparatynyń «deltaǵa» qarsy tura alatynyn senimdi túrde málimdedi.
«KoviVak» preparaty jasalǵan Chýmakova atyndaǵy ortalyqtyń ǵalymdary preparattyń negizi retinde SARS-CoV-2 virýsy qoldanylatynyn atap ótti.
Vaktsinada virýstyq bólshekter aqýyzdarynyń barlyq jiyntyǵy bar jáne bul immýndyq jaýaptyń tolyq qalyptasýyna múmkindik beredi.
Indoneziia provintsiialarynda 101 millionnan astam vaktsina qoldanylǵan.
«COVID-19 preparatynyń mundai mólsheri halyqtyń vaktsinaǵa degen qajettiliginiń jartysyn jabýǵa jetkilikti», - dedi Indoneziia Densaýlyq saqtaý ministrliginiń ókili.
«Jalpy 101,686,980 dozanyń shamamen 74,530,201 dozasy 34 provintsiiada qoldanyldy», - dedi densaýlyq saqtaý ministrliginiń vaktsinatsiia jónindegi ókili Nadia Tarmizi.
Qoldanylatyn vaktsinalardyń qatarynda Sinovak, KoronaVak, AstraZeneka, Moderna jáne Sinofarm bar.
Indoneziia koronavirýsqa qarsy immýnitetti arttyrý úshin 208 265 720 azamatty vaktsinalaýdy josparlap otyr.
AQSh-tyń Vashington shtatynda sheneýnikter men meditsina qyzmetkerlerine mindetti vaktsinatsiia engizildi. Bul shart jumysqa ornalasý úshin qajet.
Memlekettik qyzmetkerler, jeke meditsinalyq ortalyqtardyń, sondai-aq uzaq merzimdi kútim boiynsha qyzmet kórsetetin mekeme qyzmetkerleri 18 qazanǵa deiin tolyq vaktsinatsiia kýrsynan ótýi kerek.
Tailandta pandemiia kezindegi ólim-jitimniń táýliktik kórsetkishi boiynsha antirekord tirkeldi - 235 jaǵdai.
