«Komirnati» (Pfizer, AQSh) mRNK-vaktsinasy júkti áielder úshin qaýipti emes. Bul týraly brifing barysynda Almaty qalasy qoǵamdyq densaýlyq basqarma basshysynyń orynbasary Svetlana Sultanǵazieva aitty, dep habarlaidy QazAqparat tilshisi.
Spikerdiń sózinshe, álemniń 20-dan astam eli jańadan bosanǵan áielderge ekpe salýdy bastady.
«Júkti áielder de ekpe alýy kerek. Eýropada júkti áielderdi vaktsinatsiialaý boiynsha kóptegen klinikalyq zertteýler júrgizildi jáne Reseide zerttedi. Bizde koronavirýs infektsiianyń aiasynda júktilik kezinde ártúrli jaǵymsyz saldar men asqynýlarǵa ushyraǵan áielderdiń belgili bir sany bar ekenin kórip otyrmyz. Sondyqtan, klinikalyq zertteýlerge súiene otyryp, 16 aptadan 38 aptaǵa deiingi aralyqta vaktsinatsiialaýdy usynamyz. Vaktsinanyń birinshi jáne ekinshi komponentterimen. Vaktsinatsiia júkti áielder úshin qaýipti emes», - dedi Almaty qalalyq qoǵamdyq densaýlyq saqtaý basqarmasy basshysynyń orynbasary Svetlana Sultanǵazieva.
Sonymen qatar, ol ekpeden keiin ana men balada immýnitet qalyptasyp, aýrý qaýpi tómendeitinin atap ótti.
