Koronavirýs pandemiiasymen kúres boiynsha azamattyq shtab "Vaktsinatsiia "Jaqtaityndar men dattaityndar" atty áleýmettik saýalnama nátijesimen bólisti.
Koronavirýs pandemiiasyna qarsy "El úshin egilemin" azamattyq shtab ókilderi Qazaqstannyń barlyq óńiri men respýblikalyq mańyzy bar qalalar boiynsha 18 jastan asqan 2 559 respondentten táýelsiz áleýmettik saýalnama aldy.
Bul zertteý el turǵyndarynyń basym bóligi, atap aitqanda, saýalnamaǵa qatysqan 65,6%-ynyń koronavirýs infektsiiasymen aýyrmaǵanyn dáleldei alady. Degenmen 3%-y COVID-19 juqtyryp, gospitalizatsiialanǵan (PTR testileý kezinde virýs anyqtalǵan), al respondentterdiń 21,4%-ynda virýs belgileri bolǵan, alaida, olar PTR testin tapsyrmaǵan. Bul keibir azamattardyń áleýmettik jaýapkershiligi joqtyǵynan habar beredi. Zańger, Nur-Sultan qalasyndaǵy Zańgerler odaǵy filialynyń tóraǵasy, azamattyq shtab múshesi Serik Berkamalov Densaýlyq saqtaý ministrligi ókilderin saýalnama nátijesimen tanystyrý kezinde "zertteý suralǵandardyń jalpy ekpe men COVID-19-ǵa qarsy vaktsinaǵa degen kózqarasyndaǵy aiyrmashylyqty baiqaýǵa múmkindik bergenin atap ótti. Mysalǵa, saýalnamaǵa qatysqandardyń 11,9%-y jalpy ekpege qarsy bolsa, al 24,2 paiyzy COVID-19 vaktsinasyna qarsylyq tanytqan. Suralǵandardyń 69,6 paiyzy jalpy ekpege, al 58,5 paiyzy COVID-19-ǵa qarsy vaktsinany qoldaǵan. Jalpy vaktsinatsiiaǵa respondentterdiń 18,5 paiyzy, al COVID-19-ǵa qarsy ekpege 17,4 paiyz beitarap pikir bildirgen. Osylaisha, Qazaqstanda vaktsinatsiiany nasihattaý jáne qoldaý boiynsha qoǵamdyq qozǵalystyń jariialaǵan turǵyndardyń 75 paiyzyn egý týraly maqsaty qoljetimdi ekenin baiqaýǵa bolady. Óńirler boiynsha aitatyn bolsaq, COVID-19-ǵa qarsy vaktsinaǵa qarsylyq tanytqandar sany boiynsha Soltústik Qazaqstan (46%), Atyraý (37,8%) jáne Almaty oblysy (35,2 paiyz) alda. Koronavirýsqa qarsy vaktsinany qoldaýshylar boiynsha Túrkistan oblysy (7,1%), Batys Qazaqstan oblysy (10,8 %) jáne Jambyl oblysy (11,8%) kósh bastap tur. Osylaisha, Túrkistan oblysy vaktsinatsiialaý boiynsha alǵa shyǵyp, koronavirýs infektsiiasy boiynsha «jasyl» aimaqqa aýysty.
Saýalnama nátijesi boiynsha, QR DSM aldaǵy ýaqytta COVID-19-ǵa qarsy vaktsinaǵa senim tómen aimaqtarda aqparattyq jumysty qalypqa keltirýge daiyn.
Júrgizilgen saýalnamadan shyqqan mańyzdy nátije – COVID-19-ǵa qarsy vaktsina qaýipsiz. Tek 2 paiyz respondent vaktsinanyń densaýlyqqa uzaq janama áseri baryn atap ótken (3 kúnnen aspaityn ýaqyt). Áleýmettik saýalnama nátijesimen BAQ ókilderin tolyǵyraq azamattyq shtab múshesi Serik Berkamal tanystyra alady.
Aita keteiik, 2021 jyldyń 3 tamyzynda Qazaqstandaǵy koronavirýs pandemiiasymen kúres boiynsha «El úshin egilemin» Azamattyq shtaby quryldy.
Azamattyq shtabtyń maqsaty – COVID-19-ǵa qatysty barynsha shynaiy aqparat taratyp, azamattardy vaktsina alýǵa úgitteý.
Uiymdastyrýshlar elimizdi qalypty, kovidke deiingi ómirge qaitarýdy maqsat etip otyr. Al bul ujymdyq immýnitetti qalyptastyryp, halyqtyń 70-80 paiyzyn egý arqyly ǵana koronavirýspen aýyrǵandar men kóz jumǵandar sanyn azaitqan kezde ǵana múmkin bolmaq.
Halyqqa shynaiy vaktsina týraly aqparat taratýǵa qol ushyn bermek belsendiler arasynda Viacheslav Lokshin, Jibek Joldasova, Rafail Rozenson, Dinara Sátjan, Rahym Oshaqbaev, Ásel Qaraýlova, Saida Táýkeleva, Maira Izmailova siiaqty taǵy basqa belgili meditsina mamandary, kásipkerler, azamattyq qoǵam belsendileri, qoǵam qairatkerleri men sarapshylar bar. Bastamashyl topqa 200-den astam joǵary kásibi mamandar kirdi. Olar óz bilimderin, kásibi tájiribelerin jáne basqa da resýrstaryn eldi vaktsinaǵa qatysty haostan shyǵarý úshin jumsaýǵa daiyn.
