Sanitarlyq-epidemiologiialyq baqylaý komitetiniń basqarma basshysy Maral Rahymjanova koronavirýs vaktsinatsiianyń ekinshi komponentine qarsy meditsinalyq kórsetilimder týraly málimet berdi, dep habarlaidy QazAqparat.
«Bas memlekettik sanitarlyq dárigerdiń qaýlysy bar. Onda vaktsinanyń árbir túrine spetsifikalyq qarsy kórsetilimder qarastyrylǵan. Jii qaitalanatyn negizgi syrtqy uqsastyqtar - sozylmaly aýrýlar, obstrýktivti, bronh demikpesi, allergiialyq aýrýlar, vaktsina quramyna kiretin komponentterdiń kem degende bireýine allergiianyń bolýy», - dedi Maral Rahymjanova.
Sondai-aq, ol aýyr allergiialyq reaktsiia men júktilik jáne bala emizý kezeńi vaktsinaǵa qarsy meditsinalyq kórsetilim bolyp otyrǵanyn eske saldy. Al 18 jasqa tolmaǵandarǵa salyp synalǵan vaktsina ázirge elimizde bolmaǵandyqtan, kámeletke tolmaǵandarǵa vaktsina salynyp jatqan joq.
«Vaktsinanyń ekinshi komponentin engizý boiynsha jeke qarsy kórsetilimder bar. Olar: vaktsinatsiianyń birinshi komponentinen keiingi aýyr asqynýlar, anafilaktikalyq shok, aýyr allergiialyq reaktsiialar, konvýlsiialyq sindrom», - dep atap ótti spiker.
