Qazaqstannyń bas sanitar dárigeri Erlan Qiiasovtyń jańa qaýlysy boiynsha vaktsina alǵan stýdentterge jatqahanada turyp oqýǵa múmkindik beriletin boldy, dep habarlaidy "Ult aqparat".
Qaýlyda bilim oshaqtarynyń bárinde tamaqtaný protsesi ashanadaǵy aýa retsirkýliatorlarynyń qondyrǵylaryn qamtamasyz ete otyryp uiymdastyrylýy kerektigi aitylǵan.
Al vaktsina alǵan stýdentterge jataqhanada turyp bilim alýǵa múmkindik berilmek. Biraq jasy 18-ge tolmaǵan stýdentterge bul talaptyń qatysy joq.
«Bógde adamdardyń kirýine tyiym sala otyryp, COVID-19-ǵa qarsy vaktsinatsiia alǵan stýdentter jataqhanaǵa ornalastyrylsyn. 18 jasqa tolmaǵan, sondai-aq turaqty meditsinalyq qarsy kórsetilimderi bar jáne sońǵy 3 ai ishinde COVID-19 aýyryp saýyqqan stýdentterdi jataqhanaǵa ornalastyrýǵa jol beriledi», - delingen jańa qaýlyda.
Atalmysh qujatta mektepterdiń bárinde jańa oqý jyly shtattyq rejimde bastalatyny da aitylǵan.
«2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uiymdarynda shtattyq formatta oqýǵa ruqsat etilsin», - dep jazylǵan qaýlyda.
