Vaktsina alǵan stýdentter men JOO oqytýshylaryna yntalandyrý syilyǵy berilip jatyr bastady, dep habarlaidy "Ult aqparat" Bilim jáne ǵylym ministrliginiń baspasóz qyzmetine silteme jasap.
Qazaqstandyq joǵary oqý oryndarynyń stýdentteri men oqytýshylary túrli yntalandyrý syilyqtaryn ala bastady. Esterińizge sala keteiik, buǵan deiin QR Bilim jáne ǵylym ministri Ashat Aimaǵambetovtiń tapsyrmasy boiynsha ýniversitetter bilim alýshylar men qyzmetkerler arasynda vaktsinatsiiany qoldaýdy yntalandyrý sharalaryn ázirlegen.
Endi olar berilgen múmkindikterdi paidalanyp jatyr. Máselen, ál-Farabi atyndaǵy Qazaq ulttyq ýniversitetiniń stýdentteri men oqytýshylary arasynda Ystyqkólge joldama oinatyldy. Nátijesinde 40 stýdent pen oqytýshy jańa oqý jyly qarsańynda demalysqa joldama aldy. Aktsiia aldaǵy ýaqytta da jalǵasady. QazUÝ vaktsinatsiialanǵan bilim alýshylarǵa stýdentter úiinde turýǵa jeńildikter, tegin tamaqtaný talondary, jol aqshasynyń qosymsha tólemderi, til oqytý kýrstaryna sertifikattar jáne t.b. syilyqtar beriledi.
«Men ózimniń qurdastarymnyń arasynda alǵashqylardyń biri bolyp vaktsina aldym. Óitkeni barlyq stýdent koronavirýsqa qarsy vaktsina alýy kerek dep sanaimyn. Eń aldymen, óz densaýlyǵyn jáne jaqyndarynyń densaýlyǵyn qorǵaý kerek. Degenmen, ýniversitettegi osyndai aktsiialar vaktsina alýdy yntalandyrdy. Biz sanaly azamattar retinde barlyq saqtyq sharalaryn saqtadyq jáne oqý jyly bastalar aldynda demalysta boldyq. Vaktsinatsiiadan keiin biz dástúrli oqytý formatyna jáne burynǵy stýdenttik ómirge oralamyz dep senemin», — deidi QazUÝ stýdenti Aqnur Shaidýalina.
Joǵary oqý oryndarynyń oqytýshylary da óz áriptesterin vaktsinatsiialaýǵa shaqyrady.
«Vaktsinatsiialaý boiynsha aktsiia sheńberinde biz stýdentter men oqytýshylar arasynda túsindirý jumystaryn júrgizdik. Korpýs aýmaǵynda vaktsinatsiialaý pýnkti jumys isteidi. Ol jerde barlyq qajetti jaǵdai jasalǵan. Meniń oiymsha, barlyǵyna vaktsina alý qajet. Bul ujymdyq immýnitetti qalyptastyrady. Vaktsinatsiialanǵan stýdentter men oqytýshylar úshin ýniversitet basshylyǵy barlyq yntalandyrý sharalaryn qarastyrǵany qýantady. Bul qazirgi kezde ózekti», — dep atap ótti QazUÝ oqytýshysy Aqylbai Arystanbek.
Búgingi tańda ál-Farabi atyndaǵy QazUÝ-dyń oqytýshylar quramynyń jartysy jáne 18 jastan asqan 4 myńnan astam stýdent pen qyzmetkerler egildi.
Aktsiia basqa otandyq joǵary oqý oryndarynyń stýdentteri arasynda da ótkizildi. Abai atyndaǵy Qazaq ulttyq pedagogikalyq ýniversitetiniń Sovid-19 indetine qarsy vaktsina alǵan stýdentterine jyldyq oqý aqysyna jeńildik, Qapshaǵaiǵa joldama, aqshalai syiaqy, aǵylshyn tilin oqytý kýrsyna jáne dúkennen kitap satyp alýǵa sertifikattar berildi.
Qorqyt Ata atyndaǵy Qyzylorda ýniversiteti «Vaktsina al da, júlde iegeri bol!» atty aktsiia uiymdastyrdy. Joǵary oqý ornynyń vaktsinatsiialanǵan qyzmetkerleri men stýdentteri Nur-Sultan qalasyna jáne jazǵy lagerlerge joldamalar, fitnes-zal men basseinge tegin abonementter, sondai-aq ýniversitet jataqhanasynda turýǵa jeńildikter aldy. Qorqyt Ata atyndaǵy Qyzylorda ýniversitetinde qyzmetkerlerdiń 90 paiyzǵa jýyǵy jáne bilim alýshylardyń jartysynan kóbi koronavirýsqa qarsy vaktsina alǵan.
Serikbaev atyndaǵy Shyǵys Qazaqstan tehnikalyq ýniversitetinde vaktsinatsiialanǵan stýdentter arasynda aqshalai sertifikattar oinatylyp, 50 stýdent 15 myń teńge aqshalai syilyq utyp aldy.
