Qazaqstandyq joǵary oqý oryndary vaktsina saldyrǵan stýdentter arasynda baǵaly júldelerdiń utys oiynyn ótkizýdi jalǵastyryp jatyr. Bilim alýshylar joldamalar, iPhone markaly uialy telefondar, aqshalai sertifikattar jáne basqa da baǵaly syilyqtar utyp alýda, dep habarlaidy QazAqparat.
Aita ketsek, buǵan deiin QR Bilim jáne ǵylym ministri Ashat Aimaǵambetovtiń tapsyrmasy boiynsha joǵary oqý oryndary bilim alýshylar men oqytýshylar arasynda vaktsina alýǵa yntalandyrý sharalaryn ázirlegen bolatyn.
S. Amanjolov atyndaǵy Shyǵys Qazaqstan ýniversitetinde búgingi tańda stýdentter men professorlyq-oqytýshylyq quramnyń 99%-y ekpe saldyrdy. Stýdentter jáne ýniversitet qyzmetkerleri arasynda túsindirý jumystary men vaktsina alýǵa yntalandyrý sharalary jalǵasyp jatyr. Birinshi bolyp vaktsina alǵan bilim alýshylar oqý aqysy men stýdentter úiinde turýǵa jeńildikter aldy. Sondai-aq olarǵa ekpe saldyrǵan oqytýshylarmen birge fitnes ortalyǵyna abonementter jáne demalys bazasyna joldamalar, aǵylshyn tilin oqytý kýrstaryna sertifikattar men IELTS/TOEFL testileýine daiyndyq sabaqtaryna jeńildikter berildi.
Safi Ótebaev atyndaǵy Atyraý munai jáne gaz ýniversitetinde stýdentter arasynda Túrkistan qalasyna joldama oinatyldy. Stýdentter men oqytýshylar túrki áleminiń rýhani astanasynda bolyp, ejelgi qalanyń kórikti jerlerimen tanysty.
Y. Altynsarin atyndaǵy Arqalyq pedagogikalyq institýtynda vaktsina alǵan stýdentter arasynda utys oiynynyń ekinshi kezeńi ótkizildi. 10 stýdentke kitap satyp alýǵa arnalǵan 10 myń teńge somasynda sertifikattar berildi.
Toraiǵyrov ýniversitetinde ekpe saldyrǵan bilim alýshylar arasynda iPhone markaly uialy telefondar, Baianaýyl men Nur-Sultan qalasyna joldamalar, sondai-aq jataqhanada turýǵa 50 paiyzdyq jeńildikter jáne fitnes-zalǵa abonement oinatyldy.
D. Serikbaev atyndaǵy Shyǵys Qazaqstan tehnikalyq ýniversitetinde vaktsina alǵan 70 stýdent 10 myń teńge kóleminde aqshalai sertifikat aldy.
Sh. Ýálihanov atyndaǵy Kókshetaý ýniversitetinde ekpe saldyrǵan stýdentter arasynda shipajaiǵa joldamalar jáne 25 myń teńge kóleminde aqshalai syilyqtar oinatylyp, utys oiynynyń ekinshi kezeńi ótkizildi. Sondai-aq bilim alýshylar sporttyq-saýyqtyrý lagerine joldama aldy.
Pavlodar pedagogikalyq ýniversitetinde stýdentter 10 myń teńge somasynda aqshalai sertifikattar, kino men teatr biletteri, jol júrý biletterin utyp, sondai-aq jataqhanada turýǵa 50% jeńildik aldy.
Qostanai óńirlik ýniversitetinde vaktsinanyń tolyq kýrsynan ótken stýdentter men qyzmetkerler arasynda utys oiyny boldy. Jeńimpazdar áskeri kafedranyń oqý aqysyna jáne jataqhanada turýǵa jeńildikter aldy. Qyzmetkerler arasynda «Sosnovyi bor» saýyqtyrý ortalyǵyna 10 joldama oinatyldy.
M. Ótemisov atyndaǵy Batys Qazaqstan memlekettik ýniversitetinde «Men ómirdi tańdaimyn!» aktsiiasy uiymdastyryldy. Jeńimpazdar joǵary oqý ornynda oqýǵa jeńildikter, sonymen birge Nur-Sultan jáne Túrkistan qalasyndaǵy Qoja Ahmet Iassaýi, Arystan Bab kesenelerine, Otyrar qalashyǵyna, «Kerýen-sarai» keshenine týristik joldamalar utyp aldy.
