Vaktsina orazany buzbaidy. Bul týraly Almaty qalasynyń ortalyq meshitiniń bas imamy Erkinbek Shoqai aitty, dep habarlaidy "Ult aqparat".
«Qalada imamdar kezekpen vaktsina saldyryp jatyr. Bizde Qazaqstan musylmandary dini basqarmasynyń vaktsina týraly pátýasy bar. Onda ekpeniń bulshyq etke enetin dári jáne onyń qajet ekendigi týraly aitylady. Sondyqtan ekpe orazany buzbaidy», - dep túsindirdi imam.
Jalpy, Almatyda túrli dini birlestikterdiń ókilderi ózderin jáne jaqyndaryn qaýipsizdendirý úshin ǵana emes, sonymen qatar pandemiiamen kúreste Qazaqstan halqynyń birligin kórsetý úshin, sondai-aq shirkeý kelýshilerine vaktsinatsiialanýǵa bolatynyn ǵana emes, sonymen qatar onyń qajet shara ekenin kórsetý úshin vaktsina saldyrý qajet dep sheshýde.
«Ekinshi jyl qatarynan búkil álem koronavirýs pandemiiasynyń saldarynan qatań shekteýler rejiminde ómir súrýde, odan Qazaqstan da zardap shekti. Búgingi kúni burynǵy ómirge tez oralýǵa kómektesetin jalǵyz qural - vaktsinatsiia. Sońǵy kezderi bul protsedýra dinge qaishy keledi degen kóptegen ańyzdar paida boldy, biraq olai emes. Vaktsinatsiia eshqandai jolmen orazany buzbaidy, óitkeni suiyqtyq (zat) qanǵa as qorytý júiesi arqyly enbeidi. Vaktsinatsiia densaýlyqty saqtaýǵa jáne basqalardy qorǵaýǵa kómektesedi. Din buǵan qarsy kelmeidi», - dedi Erkinbek Shoqai.
