Vaktsina almaǵan stýdent Ashyq arqyly sabaqqa qatysa ala ma? Bul saýalǵa QR DSM Sanitarlyq-epidemiologiialyq baqylaý komitetiniń tóraǵasy Aijan Esmaǵambetova jaýap berdi, dep habarlaidy QazAqparat.
«Vaktsina almaǵan stýdent Ashyq arqyly sabaqqa qatysa alady. Eger stýdent ǵimaratqa Ashyq arqyly kiretin bolsa, onda PTR anyqtama talap etýdiń qajeti joq. Olar «kók» nemese «jasyl» mártebemen kiredi. Iaǵni, ol «jasyl» tústi bolsa vaktsina alǵan nemese taiaýda PTR test tapsyrǵan degen sóz», - dedi komitet tóraǵasy Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, sabaqqa PTR testiniń oń nátijesi bar stýdentter jáne koronavirýspen aýyrǵandarmen bailanysta bolǵandar jiberilmeidi.
«Biraq, mynany erekshe atap ótkim keledi. Eger, joǵary oqý oryndary nemese kolledj stýdentteriniń arasynda koronvirýspen aýyrǵan adam anyqtalatyn bolsa, onda onymen bailanysta bolǵan, vaktsina almaǵan stýdentter birinshi kezekte 14 kúndik karantinge jiberiledi», - dedi Aijan Esmaǵambetova.
