"Qazaqstandyqtar messendjerlerde biyl 1 qarashadan bastap vaktsinalaý mártebesi negizinde balalardy otbasylardan tartyp alýǵa múmkindik beretin zań kúshine enetini týraly habarlama tarady. Bul - feik", dep jazady Stopfake.kz saity.
QR Bilim jáne ǵylym ministrligi bul aqpardy joqqa shyǵardy.
– Aqparat shyndyqqa janaspaidy. Mundai zań jobasy joq. Mektepterde balalardy májbúrlep vaktsinatsiialaý júrgizilmeidi. Mektep balalarǵa bilim beredi, áleýmettenýge kómektesedi. Ata-analardyń kelisiminsiz vaktsinatsiialaý týraly másele kóterilip otyrǵan joq. Qazaqstandyqtardan áleýmettik jelilerde rezonans týdyrý úshin jeke azamattar taratatyn jalǵan aqparatqa senbeýlerin suraimyz, – dep habarlady QR Bilim jáne ǵylym ministrliginiń baspasóz hatshysy Móldir Ábdýalieva.
Áleýmettik jeli qoldanýshylary buǵan deiin de osyǵan uqsas feikterdi taratqan bolatyn. Olar balalardy mektepke keshigip, jalǵyz júrgeni úshin tartyp alady, al ata-analardy balalaryn vaktsinatsiialaýdan bas tartqany úshin psihiatriialyq klinikalarǵa jatqyzady dep jazdy. Sondai-aq osy biyl qyrkúiek aiynda Qazaqstanda balalardy óltirý standartyn engizý josparlanǵany týraly feik keńinen tarady.
Barshańyzdy osyndai arandatýshylyqqa boi aldyrmaýǵa jáne resmi aqparat kózderine ǵana senýge shaqyramyz.
