QR Densaýlyq saqtaý birinshi vitse-ministri Marat Shoranov balalardy vaktsinaǵa mindetteýdiń yqtimaldyǵy týraly pikir bildirdi, dep habarlaidy QazAqparat.
Elge Rfizer vaktsinasy kelse, ekpe almaǵan balalar mektepke kirýden shektele me? Ortalyq kommýnkatsiialar qyzmetinde ótken brifingide BAQ ókilderi Densaýlyq saqtaý ministrliginiń basshylaryna osyndai saýal qoidy.
«Jalpy qazirgi tańda koronavirýsqa qarsy ekpeni 18 jastan bastap jasap jatyrmyz. Rfizer vaktsinasy kelgennen keiin 12 jastan bastap paidalanýǵa bolady. Qazirgi kezde vaktsina almaǵan balalardy shekteý kózdelip otyrǵan joq. Ol ár balanyń ata-anasynyń kelisimi boiynsha, erikti túrde ǵana salynady. Sondyqtan biz óz tarabymyzdan túsindirý jumystaryn halyqqa jetkizemiz», - degen vitse-ministri Marat Shoranov jaqynda Rfizer vaktsinasynyń 4 millonnan astam dozasy elge jetkiziletinin atady.
«Bul másele bizde óte erekshe dep esepteimiz. Nege deseńiz, biz balalardyń bilim alýyn oflain rejimge kóshirdik. Sanitarlyq rejim, maska rejimi deimiz, sonyń arqasynda qazir balalardyń arasynda naýqastaný kórsetkishi úlken emes – 0,6 paiyz bolyp otyr. Sondyqtan da vaktsina kelgenimen balalarymyz mektepke qoryqpai bara alady dep senemiz», - dedi Marat Shoranov.
