Aýyryp jazylǵan adamdardyń koronavirýsqa qarsy immýniteti turaqsyz bolyp keledi. Bul týraly Almaty qalasy №8 emhananyń bas dárigeri Farida Aǵybaeva málim etti, dep habarlaidy QazAqparat.
Onyń aitýynsha, virýstyń jańa nusqalarynyń paida bolýy, naýqastardyń óz qaýipsizdigine uqypsyz qaraýy, alǵashqy infektsiia kezinde álsiz immýndyq jaýap, qalpyna kelgennen keiin IgG antideneleriniń jetkiliksiz mólsheri indetti qaita juqtyrýǵa yqpal etedi.
«Dárigerler COVID-19 týraly áli de az biledi, buryn aýyrǵan adamnyń immýniteti qanshalyqty uzaqqa jetetini týraly aqparat joq. Sondyqtan antidenesi bar adamdar koronavirýspen qaita aýyryp qalý múmkin be degen suraqqa naqty jaýap berý óte qiyn, óitkeni COVID-19 qozdyrǵyshy búgingi kúni nashar zerttelip otyr», - deidi Farida Aǵybaeva.
AQSh sarapshylary men virýsologtarynyń pikirinshe, COVID-19 dertin jeńgen patsientterdiń úsh toby bar: kúshti, álsiz jáne ortasha.
Birinshi top myqty, oǵan jańa koronavirýspen aýyratyndardyń barlyǵy kiredi.
Ǵalymdardyń pikirinshe, olardyń immýniteti keiinirek juqtyrǵan jaǵdaida SARS-CoV-2-men jaqsy kúresedi.
«Mundai immýniteti bar adam kovidti birneshe ret juqtyrýy ekitalai. Ekinshi top álsiz, bul topqa kovidti jii juqtyrǵan naýqastar jatady ári olarda virýsqa qarsy antidene joq. Bul jaǵdaida adam aýrýdy jeńe alady, biraq dene jasýshalary ony «esine túsirmeidi», jańa infektsiiaǵa antidene paida bolmaidy jáne qaita juqtyrǵan jaǵdaida COVID-19 joiýǵa kómektese almaidy», - deidi dáriger.
Onyń aitýynsha, naýqas taǵy da aýyryp qala ma, joq pa, ol infektsiiamen kezdesken sáttegi immýnitettiń jai-kúiine bailanysty bolady.
