Qazaqstan halqy Assambleiasyna qarasty Qazaqstan uiǵyrlary respýblikalyq mádeni ortalyǵy Almaty oblysyndaǵy jappai tóbelesten zardap shekken balaǵa búkil kómekti kórsetýge ázir. QazAqparat agenttigi ortalyq málimdemesiniń mátinin jariialady.
«Qurmetti Qazaqstan azamattary! Panfilov aýdanynyń Penjim aýylynda 27 qazanda bolǵan oqiǵa buqaralyq aqparat quraldarynda jáne áleýmettik jelilerde belgili bir rezonans týdyrdy. Ókinishke qarai, jergilikti mekteptiń 9-10 synyp oqýshylary arasyndaǵy tóbelesten uldardyń biri - Nurbol Ádilhan aýrýhanaǵa tústi.
Biz, «Qazaqstan uiǵyrlary respýblikalyq mádeni ortalyǵynyń» basshylary jasóspirimniń ata-anasyna shyn júrekten qaiǵyryp, ony emdeý men ońaltýǵa qajetti kez kelgen kómekti kórsetemiz.
Ekinshi jaǵynan, biz, oryn alǵan bul oqiǵany, áleýmettik jelilerde etnosaralyq janjal retinde kórsetýge tyrysýdan bas tartamyz.
Iia, 28 qazanǵa qaraǵan túni aýyldyń keibir turǵyndary úiler men kólikterdiń terezelerine tas laqtyryp, usaq buzaqylyqqa jol berdi.
Sonymen qatar áleýmettik jelilerde atalmysh etnosaralyq qaqtyǵystar týraly tarap jatqan qaýesetterdiń eshqandai negizi joq ekenin jaýapkershilikpen málimdeimiz.
Almaty oblysy basshylyǵynyń, quqyq qorǵaý organdary men Qazaqstan halqy Assambleiasy músheleriniń jedel is-qimyldarynyń nátijesinde aýylda qoǵamdyq qaýipsizdik, azamattardyń beibitshiligi men tynyshtyǵy qamtamasyz etildi.
Qazaqstan halqy Assambleiasy tóraǵasynyń qoǵamdyq orynbasary Z.Kýziev, Qazaqstan uiǵyrlary respýblikalyq mádeni ortalyǵynyń ókilderi Penjim aýylynda jáne jigit-beshimen birge bilik pen politsiiaǵa osy oqiǵany sheshýge kómektesýde.
Biz tóbeleske jáne arandatýshylyqqa qatysy bar adamdardyń barlyǵy zańǵa sáikes jazalanatynyna senimdimiz. Biz azamattardy sabyrlyq saqtaýǵa, resmi aqparatqa senýge jáne ártúrli jalǵan habarlamalarǵa, áleýmettik jelilerdegi qyzýqandylyqqa boi aldyrmaýǵa shaqyramyz! Panfilov aýdanynyń qazaqtary men uiǵyrlary jaqsy qarym-qatynastardy, kópjyldyq dostyqty, baýyrlastyq bailanystardy baǵalaidy jáne «ziiandy arandatýshylar» osy oqiǵany paidalanyp, aradaǵy dostyqqa syzat túsirýge jol bermeidi» - delingen mátinde.
Esterińizge sala keteiik, buǵan deiin Panfilov aýdany Penjim aýylynda oqýshylar arasynda jappai tóbeles bolǵanyn habarlaǵan bolatynbyz.
Almaty oblystyq politsiia departamenti baspasóz qyzmetiniń resmi aqparatyna sáikes, atalǵan fakti boiynsha QR QK 293-babynyń 2-bóligi boiynsha qylmystyq is qozǵaldy.
