Foto: © Euronews
Jer silkinisi kezinde otbasynan aiyrylǵan Hatai provintsiiasyndaǵy Antakia qalasynyń turǵyny Kasym Giýndýz Euronews arnasyna qaiǵyly jaǵdai týraly aityp berdi, - dep habarlaidy Tengrinews.kz saity.
"Bir-birimizdi qushaqtap aldyq. Allanyń atyn aityp úlgermedik, bes ret úi shaiqalyp, sosyn bári qirady, biz tómenge quladyq. Balamnyń aty Hikmet edi. Ony shaqyrǵanymda, ol jaýap berdi. Oǵan sabyrly bol dedim. Áielimniń aty Shefika bolatyn. Ony da shaqyrdym: raýshanym, raýshanym meniń! Sosyn: Shefika! dedim. Biraq jaýap bolmady, eshteńe estimedim. Alla bundaidy eshkimniń basyna salmasyn. Úilengenimizge 52 jyl boldy, kenje ulymyz 42-de", - dedi er adam.
Ulynyń denesi tabylǵan. Qutqarýshylar Qasymnyń áieli Shefikany áli izdep jatyr, sondyqtan ol qiraǵan úi mańynan ketpei, kútip júr.
