Foto: Pixabay.com
"Qazgidromet" RMK sinoptikteri erteń, 26 sáýirde Qazaqstannyń 14 óńirinde aýa raiyna bailanysty eskertý jasady, dep habarlaidy «Ult aqparat».
Ulytaý oblysynyń batysynda, shyǵysynda, ońtústiginde naizaǵai kútiledi. Shyǵystan jel soǵady, kúndiz oblystyń shyǵysynda ekpini 15-20 m/s. Túnde oblystyń shyǵysynda 2 gradýs úsik kútiledi.
26 sáýirde Qaraǵandy oblysynda soltústik-shyǵystan jáne shyǵystan jel soǵady, oblystyń ońtústiginde ekpini 15-20 m/s bolady.
Jetisý oblysynyń taýly aýdandarynda qatty jaýyn-shashyn (jańbyr, qar) kútiledi. Oblystyń ońtústiginde, shyǵysynda, taýly aýdandarynda naizaǵai, burshaq, daýyl. Soltústik-shyǵystan jel soǵady, oblystyń shyǵysynda, ońtústiginde, ortalyǵynda ekpini 15-20, Alakól kólderi aýdandarynda kei ýaqytta 23-28 m/s.
Qyzylorda oblysynyń shyǵysynda, ortalyǵynda naizaǵai, daýyl kútiledi. Jel soltústik-shyǵystan soǵady, oblystyń soltústiginde, shyǵysynda, ortalyǵynda kúshi 15-20 m/s. Oblystyń ortalyǵynda, shyǵysynda, batysynda joǵary órt qaýpi saqtalady.
Almaty oblysynyń ońtústiginde qatty jańbyr, oblystyń taýly aýdandarynda qatty jaýyn-shashyn (jańbyr, qar) kútiledi. Oblystyń soltústiginde, ońtústiginde, taýly aýdandarynda naizaǵai, burshaq, daýyl kútiledi. Soltústik-batystan jel soǵady, oblystyń soltústiginde, ońtústiginde, taýly aýdandarynda ekpini 15-20, kei ýaqytta 23-28 m/s.
Almatyda túnde jáne tańerteń qatty jańbyr kútiledi. Kei ýaqytta naizaǵai kútiledi. Soltústik-batystan jel soǵady, naizaǵai kezinde ekpini 15-20 m/s.
Aqmola oblysynda shyǵystan jel soǵady, oblystyń batysynda, ońtústiginde, shyǵysynda ekpini 15-20 m/s kútiledi.
Mańǵystaý oblysynyń basym bóliginde joǵary órt qaýipi kútiledi.
Atyraý oblysynyń batysynda tuman kútiledi.
Aqtóbe oblysynda shyǵystan, soltústik-shyǵystan jel soǵady, kúndiz oblystyń ońtústiginde, shyǵysynda ekpini 16 m/s kútiledi.
Abai oblysynda jel soltústik-shyǵystan soǵady, oblystyń soltústiginde, shyǵysynda, ortalyǵynda 15-20, kúndiz ekpini 23 m/s.
Shyǵys Qazaqstan oblysynda jel soltústikten, soltústik-shyǵystan soǵady, tańerteń jáne kúndiz oblystyń soltústiginde, ońtústiginde, ortalyǵynda 15-20 m/s.
Túrkistan oblysynyń taýly aýdandarynda qatty jańbyr, burshaq kútiledi. Oblystyń soltústiginde, batysynda, ońtústiginde, taýly jáne taý bókterli aýdandarynda kei ýaqyttarda naizaǵai, daýyl. Soltústik-batystan soltústik-shyǵysqa aýysatyn jel soǵady, naizaǵai kezinde ekpini 15-20 m/s.
Shymkentte kei ýaqyttarda naizaǵai, daýyl kútiledi. Soltústik-batystan soltústik-shyǵysqa aýysatyn jel soǵady, naizaǵai kezinde ekpini 15- 20 m/s.
