28 jeltoqsan kúni Air Astana áýe kompaniiasy Almaty men Nur-Sultan arasynda qosymsha reister engizedi. Bul týraly «Nursultan Nazarbaev» halyqaralyq áýejaiynyń baspasóz qyzmeti málimdedi, dep habarlaidy "Ult aqparat".
«2019 jyldyń 28 jeltoqsanynda «Air Astana» áýe kompaniiasy «Almaty - Nur-Sultan - Almaty» jáne «Nur-Sultan – Almaty – Nur-Sultan» baǵyttary boiynsha qosymsha reister engizedi. Nur-Sultannan ushý ýaqyty – tańǵy 05:00, Almatydan ushý ýaqyty – tańǵy 07:00», - delingen habarlamada.
Bek Air áýe kompaniiasy ushaǵynyń apatynda mert bolǵandardyń týystary tegin tasymaldanady.
Aita keteiik, búgin tańerteń Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshy men 5 ekipaj múshesi bar ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi. Elbasy Nursultan Nazarbaev jolaýshylar ushaǵynyń apatqa ushyraýyna bailanysty kóńil aitty.
QR DSM ushaq apatynan zardap shekkenderge meditsinalyq kómek kórsetý úshin resýrstar jetkilikti ekenin, qan tapsyrýdyń qajeti joq ekenin málimdedi.
