Búgingi tańda Nur-Sultan, Almaty jáne Shymkent qalalarynda meditsinalyq mekemeler ókpeni jasandy jeldetý apparattarymen tolyq qamtamasyz etildi. Jalpy alǵanda bul qalalarǵa 402 ÓJJ apparaty jetkizildi, dep habarlaidy "Ult aqparat".
Indýstriia jáne infraqurylymdyq damý ministrliginiń málimetinshe, Qyzylorda, Almaty, Aqtóbe, Qostanai, Pavlodar, Aqmola, Qaraǵandy oblystaryna 384 apparat jóneltildi. Jalpy elimizdiń barlyq óńirine 1,5 myń ÓJJ apparatyn jetkizý josparlanǵan.
Bul jospardy 15 qazanǵa deiin iske asyrý kózdelip otyr.
Qazaqstanda memlekettiń qatysýymen ÓJJ apparattaryn «Qazaqstan Aselsan injiniring» JShS (Nur-Sultan Q.) jáne «Tynys» AQ (Kókshetaý q.) siiaqty 2 kásiporyn shyǵarady. Atalǵan kásiporyndar - «Qazaqstan injiniring» UK» AQ ulttyq kompaniiasynyń enshiles uiymdary.
Koronavirýs pandemiiasyna bailanysty elde qalyptasqan epidemiologiialyq jaǵdaiǵa orai ókpeni jasandy jeldetý apparattarynyń jetispeýshiligin eskerip, «Qazaqstan Aselsan injiniring» JShS qysqa ýaqyt ishinde ókpeni jasandy jeldetetin statsionarlyq apparattar óndirisin igerdi.
Al «Tynys» AQ «Kókshetaý-4P» ÓJJ 680 mobildi apparatyn shyǵarady.
Meditsina mamandarynyń pikirinshe, apparat qoldanýǵa yńǵaily ári senimdi jáne elektr qýatyna táýeldi emes.
Kásiporynnyń óndiristik qýaty aiyna 500 ÓJJ apparatyn shyǵarýǵa jetedi.
Odan bólek, «Tynys» AQ ÓJJ portativti apparattaryn, «Kókshetaý 3» meditsinalyq buiymdardyń túrli nomenklatýrasyn, onyń ishinde kóp rettik betperdelerdi, múgedekterge arnalǵan arbalardy jáne t. b. zattardy shyǵaryp jatyr.
Bul kásiporyndardyń negizgi qyzmeti Qazaqstan Respýblikasynyń jáne ózge de elderdiń Qarýly Kúshteriniń qajettilikteri úshin joǵary tehnologiialyq ónimder shyǵarýǵa baǵyttalǵan. Al ÓJJ óndirisi meditsinalyq mekemelerdiń qajettilikterin óteýge baǵyttalǵan memlekettik tapsyrys aiasynda jolǵa qoiyldy.
Kásiporyndar qosymsha qajettilik týyndaǵan jaǵdaida meditsinalyq tehnika men kez kelgen ónimdi qajet mólsherde óndirip, jetkize alady.
