AQSh-tyń Aliaska shtatynda shaǵyn ushaq apatqa ushyrap, borttaǵy segiz adamnyń barlyǵy qaza tapty. Oqiǵa 20 tamyzda Keip-Niýenhem mańyndaǵy áskeri radiolokatsiialyq nysanǵa jaqyn jerde bolǵan, dep habarlaidy ult.kz.
Cessna 441 ushaǵy Ankoridjden ushyp shyǵyp, Keip-Niýenhemge baǵyt alǵan. Aldyn ala málimet boiynsha, ushaq qonýǵa ekinshi ret áreket jasaǵan kezde aýa raiy kúrt nasharlap, qalyń tuman túsken. Ushaq ushý-qoný jolaǵyna jetpei apatqa ushyraǵan.
Bortta eki ushqysh pen alty jolaýshy bolǵan. Qaza tapqandar arasynda AQSh Armiiasynyń injenerlik korpýsynyń eki qyzmetkeri jáne tórt merdiger kompaniia ókili bar.
Apattyń naqty sebebin AQSh-tyń Ulttyq kólik qaýipsizdigi keńesi tekserip jatyr. Tergeý barysynda aýa raiy jaǵdaiy men ushaqtyń qonýǵa áreketi zertteledi.
