Ulybritaniiadaǵy Devon graftyǵynda Merlin Mk4 áskeri tikushaǵy túngi oqý-jattyǵý ushýy kezinde apatqa ushyrady. Saldarynan bortta bolǵan 3 adam kóz jumdy, dep habarlaidy ult.kz.
Jergilikti BAQ-tyń habarlaýynsha, tikushaq jergilikti ýaqyt boiynsha tańǵy shamamen tórtter shamasynda dalaǵa qulaǵan. Apat týraly habar túskennen keiin oqiǵa ornyna jedel qyzmetter jiberildi.
Koroldik flot úsh ekipaj múshesiniń qaza tapqanyn rastady. Olardyń jeke tulǵalary týraly basqa málimet jariialanǵan joq. Apat Dartmýr ulttyq parkiniń aýmaǵyndaǵy Okehampton Battle Camp áskeri poligonyna jaqyn jerde bolǵan. Bul aimaq koroldik áskeri-teńiz kúshteriniń teńiz aviatsiiasy bólimshelerin daiyndaý úshin jii qoldanylady.
Apattyń shyǵý sebebi belgisiz. Mamandar oqiǵanyń mán-jaiyn anyqtap jatyr.
Merlin Mk4 Ulybritaniianyń qarýly kúshteri paidalanatyn negizgi tikushaqtardyń biri bolyp sanalady.
