Perýde týrister mingen shaǵyn ushaq apatqa ushyrap, borttaǵy 13 adamnyń barlyǵy qaza tapty. Qaiǵyly oqiǵa eldiń ońtústigindegi áigili Naska syzyqtary mańynda bolǵan, dep habarlaidy ult.kz.
Málimet boiynsha, Cessna Caravan C-208 ushaǵy Pisko qalasyndaǵy áýejaidan kóterilgen. Áýe kemesiniń bortynda týrister men ekipaj músheleri bolǵan.
Ushaq Naska áýejaiyna qarai baǵyt alǵan. Shamamen saǵat 13:00-de ekipaj áýe qozǵalysyn basqarý munarasyna tótenshe jaǵdai týraly habarlaǵan. Osydan keiin áýe kemesimen bailanys úzilgen.
Keiin ushaqtyń jerge qulaǵany anyqtaldy. Qutqarý qyzmetteri apat ornyna jetip, borttaǵy adamdardyń eshqaisysy tiri qalmaǵanyn habarlady. Barlyǵy 13 adam kóz jumdy.
Qaiǵyly oqiǵanyń naqty sebebi ázirge belgisiz. Oqiǵa boiynsha tergeý bastalyp, mamandar ushaqtyń apatqa ushyraýyna ne sebep bolǵanyn anyqtap jatyr.
Naska syzyqtary — Perýdiń eń tanymal týristik oryndarynyń biri. Týrister bul ejelgi alyp geoglifterdi áýeden tamashalaý úshin arnaiy shaǵyn ushaqtarmen ushady.
