Túrkistan oblysynyń Lenger qalasynda turǵyndardyń úiine túnde belgisiz adamdar basyp kirip, olardy soqqyǵa jyqqany týraly video tarady, dep habarlaidy ult.kz.
Aqparatqa sáikes, oqiǵa túngi ýaqytta bolǵan. Jábirlenýshilerdiń aitýynsha, úige basyp kirgen adamdar olardy tańǵy saǵat 5-ke deiin uryp-soqqan.
Videoda ár bólmeniń astań-kesteńi shyǵyp jatqany kórinedi. Video avtory urylar kirip, aqsha izdegenin, terezelerdi syndyryp, jerge áldebir suiyqtyq shashqanyn aitty.
Oqiǵaǵa qatysty video áleýmettik jelilerde taraǵan. Kadrlarda úidiń ishindegi jaǵdai kórsetilgen.
Qazir oqiǵanyń naqty sebepteri men shabýyl jasaǵan adamdardyń kim ekeni belgisiz.
