Elordadaǵy Qazmedia ortalyǵynda baspa, radio, internet-jýrnalistika salasyndaǵy «URKER-2021» ulttyq báigesiniń jeńimpazdary marapattaldy, dep habarlaidy QazAqparat.
Eń aldymen «Jyldyń úzdik jańalyqtar portaly» atalymynda «QazAqparat» halyqaralyq aqparat agenttigi jeńiske jetti. Marapatty QR Prezidenti teleradiokesheniniń bas direktory Raýshan Qajybaeva tabys etti.
Sonymen birge, «BaigeNews.kz portalynyń jýrnalisi Ánýar Ábdirahmanov «Jyldyń úzdik reportajy» nominatsiiasynda jeńimpaz atandy. Syilyqty «Qazaq ádebieti» gazetiniń bas redaktory Dáýren Qýat tabys etti.
«Jyldyń úzdik analitikalyq materialy» atalymynda «Aqiqat» jýrnalynyń qyzmetkeri Dina Imambaeva ozyq dep tanyldy. Jeńimpazdy QR Parlamenti Senatynyń depýtaty Aigúl Qapparova jariialady.
Al «Táýelsizdiktiń 30 jyldyǵyna arnalǵan úzdik material» nominatsiiasynda «Semei tańy» gazetiniń tilshisi Riza Moldasheva jeńiske jetti. Marapatty táýelsiz Qazaqstannyń eń alǵashqy Aqparat mministri, memleket jáne qoǵam qairatkeri, jýrnalist Qýanysh Sultanov tabystady.
«Jyldyń úzdik gazeti» marapatyn «TÚRKISTAN» halyqaralyq saiasi aptalyǵyna jýrnalist, QR Jýrnalister akademiiasynyń akademigi Aleksandr Tarakov tabys etti.
«Jyldyń úzdik tanymdyq materialy» atalymynda Massaget.kz portalynan Ómirbek Sansyzbaev ozyp shyqty. Júldeni Qyrǵyz Respýblikasy Mádeniet, aqparat, sport jáne jastar saiasaty ministriniń orynbasary Saltanat Amanova berdi.
«Jyldyń úzdik jýrnalistik zertteýi» júldesin «Aiqyn» gazetinen Rysbek Qydyrbek jeńip aldy.
Al «Radiostantsiiadaǵy úzdik joba» atalymynda – «NS» radiosy «Novoe ýtro» baǵdarlamasy tańdalyp alyndy.
newsroom.kz portalynyń fotosýretshisi Maqsat Shaǵyrbaev «Jyldyń úzdik fotosýreti» atalymynda úzdik atandy. Marapatty tabystaý mártebesi «URKER» báigesiniń byltyrǵy jeńimpazy, ekobelsendi Sáken Dildahmetke berildi.
«Forbes Kazakhstan» ujymy «Jyldyń úzdik jýrnaly» atandy. Syilyqty aqyn, QR Jazýshylar odaǵy Nur-Sultan qalalyq filialynyń tóraǵasy Dáýletkerei Kápuly berdi.
«Jyldyń úzdik suhbaty» júldesin Vlast.kz portalynyń jýrnalisi Tamara Vaal jeńip aldy. Jeńimpaz esimin «Qazaqstan» respýblikalyq teleradiokorporatsiiasynyń tóraǵasy Lázzat Tanysbai jariialady.
Sonymen birge, «URKER-2021» ulttyq báigesiniń arnaiy júldesi «Qazaq radiosy» ujymyna berildi.
«Baiqaýdyń arnaiy júldesin anyqtaý biz úshin úlken mánge ie. Bul júldeni alyp otyrǵan ujymnyń orny bólek dese de bolady. Bir ǵasyr boiy halyqty úzdiksiz aqparatpen jáne ultymyzdyń áni men jyryn, mádenietin halyqqa jetkizip otyrǵan elimizdiń bas radiosy – «Qazaq radiosyna» beriledi. Qazaq radiosy ujymyn shyn júrekten quttyqtaimyn! Elimizdiń radiosy myńjyldyqtar boiy qazaqtyń únin jetkize bersin. Denderińizge saýlyq, otbasylaryńyzǵa amandyq tileimin», - dedi QR Aqparat jáne qoǵamdyq damý ministri Aida Balaeva.
Barlyq jeńimpazdarǵa «URKER» estelik músinshesi jáne bir million teńge mólsherindegi aqshalai syilyq tabystaldy.
Aita keteiik, «URKER-2021» Ulttyq báigesi biyl besinshi ret uiymdastyrylyp otyr. Baiqaý 11 nominatsiia boiynsha ótkizilýde, oǵan «Táýelsizdiktiń 30 jyldyǵyna arnalǵan úzdik material» nominatsiiasy qosyldy.
Jýrnalisterden jalpy sany 340 jumys keldi, al úzdik jumystardy bedeldi jýrnalister, elimizdiń shyǵarmashylyq intelligentsiiasynyń ókilderi men halyqaralyq mediaekspertterden quralǵan qazylar alqasy anyqtady.
Baspa, radio, internet-jýrnalistika salasyndaǵy jetistikteri úshin beriletin qazaqstandyq Ulttyq «URKER» syilyǵy talantty jýrnalister men shyǵarmashylyq ujymdardy anyqtaý, olardyń kásibi jýrnalistikany damytýǵa qosqan úlesin moiyndaý jáne olardyń shyǵarmashylyǵyna qoǵamnyń nazaryn aýdarý maqsatynda 2017 jyly taǵaiyndalǵan.
Baiqaý uiymdastyrýshylary - QR Aqparat jáne qoǵamdyq damý ministrligi, «Media damytý qory» korporativtik qory jáne «Qazmedia ortalyǵy» BK. Shara demeýshileri – «Qazaqstan» RTRK jáne «Habar «Agenttigi» AQ.
