«Úrker-2020» Ulttyq syilyǵyna ótinim qabyldaý bastaldy, dep habarlaidy "Ult aqparat".
Ulttyq syilyq baspa, radio, internet-jýrnalistika salasyndaǵy úzdik jetistikteri úshin beriledi, jýrnalistika mártebesin arttyrýǵa, ony nasihattap ereksheleitin kásibi standarttar men kriterilerdi bekitýge baǵyttalǵan. Konkýrs maqsaty – talantty jýrnalister men shyǵarmashylyq ujymdardy anyqtaý, olardyń kásibi jýrnalistikany damytýǵa qosqan úlesterine qurmet kórsetý.
Báigege kontentti óndiretin jáne taratatyn respýblikalyq jáne óńirlik radiostantsiialar, baspa jáne internet-basylymdar qatysa alady.
Aǵymdaǵy jyly bolǵan álemdik ózgeristerge bailanysty «Úrker» Ulttyq syilyǵy kúz maýsymynda ótkiziledi. Ótinimder 2020 jyldyń 02 qazanynan 2 qarashasyna deiin qabyldanady.
Konkýrstyq jumystarǵa qoiylatyn talaptar:
- jumystar 2019 jyldyń 1 qańtary men 2020 jyldyń 1 qarashasy aralyǵynda jariialanýy tiis;
- jumystar baspa basylymynda, internet-resýrsta jariialanýy nemese radioefirde shyǵýy tiis.
«Úrker-2020» Ulttyq syilyǵynyń jeńimpazdaryn marapattaý rásimi onlain formatta 2020 jyldyń 13 qarashasynda ótedi.
Biylǵy jyly «Úrker - 2020» syilyǵy 11 nominatsiia boiynsha marapattalady:
1. Jyldyń úzdik fotosýreti;
2. Jyldyń úzdik reportajy;
3. Jyldyń úzdik analitikalyq materialy;
4. Jyldyń úzdik jýrnalistik zertteýi;
5. Jyldyń úzdik suhbaty;
6. Jyldyń úzdik tanymdyq materialy;
7. Radiostantsiiadaǵy úzdik joba;
8. Jyldyń úzdik jańalyqtar portaly;
9. Jyldyń úzdik gazeti;
10. Jyldyń úzdik jýrnaly;
11. Sherhan Murtaza atyndaǵy Nominatsiia.
Biylǵy jyly pýblitsisterge jeke nominatsiia arnaldy. Nominatsiia Sherhan Murtazanyń qurmetine ataldy. Sherhan Murtazanyń esimimen tek qazaq ádebieti ǵana emes, otandyq jýrnalistika da bailanysty. Qazaqstandyq pýblitsistika salasynyń maitalmany kásibi jýrnalisterdiń birneshe býynyn tárbielegen edi. Búgingi qoǵam ómiriniń ózekti máseleleri men qubylystaryna óz jumystaryn arnaǵan avtorlar atalmysh nominatsiiaǵa úmitker bola alady. Materialdar baspa nemese internet-basylymdarda qazaq nemese orys tilderinde jariialanýy tiis.
Baiqaý jumystaryn bedeldi jýrnalister, salanyń eńbek sińirgen qairatkerleri jáne halyqaralyq media sarapshylardan quralǵan táýelsiz qazylar alqasy baǵalaidy.
Konkýrs qorytyndysy boiynsha ár nominatsiianyń úzdik ókiline jeńimpaz ataǵy berilip, «Úrker-2020» estelik músinshesi jáne 1 mln teńge mólsherindegi aqshalai syi tabystalady. Konkýrsqa qatysý úshin úmitkerler https://urker-awards.kz/ru/ resmi saityndaǵy tiisti ótinimdi toltyrýy qajet.
