Úndistannyń soltústigindegi Ýttaranchal shtatynda nóser jańbyr men kóshkin saldarynan qurban bolǵandardyń sany 52-den asty dep habarlaidy QazAqparat The Economic Times basylymyna silteme jasap.
Resmi málimetterge sáikes, qiraǵan ǵimarat úiindilerinen taǵy alty máiit tabylǵan. Beseýi habar-osharsyz ketti dep esepteledi, 17 adam túrli jaraqat alǵan.
Ólim jaǵdailarynyń kópshiligi úilerdiń qiraýynan bolǵan dep aitylǵan. Ýttaranchal shtatynyń Nainital qalasynda 28 adam qaza tapqan.
Ýtaranchal shtatynan Himachal-Pradesh shtatynyń Kinnaýr aýdanyndaǵy Chhitkýl aýylyna bet alǵan 11 adamdyq treking toby nóser jańbyr men kóshkin saldarynan resmi túrde joǵalyp ketkenderdiń qataryna kirmedi.
Úndistannyń tabiǵat apattaryna qarsy ulttyq kúshter Ýtaranchal shtatynyń sý basqan aimaqtaryndaǵy júzdegen adamdardyń qutqarylǵany týraly habarlady. 17 qutqarý tobyn Federaldy kúshter jiberdi.
