Deli qalasynda tórt qabatty ǵimarat opyrylyp tústi. Úiindi astynda adamdar qalyp qoidy, dep habarlaidy QazAqparat India TV telearnasyna silteme jasap.
Jergilikti politsiia oqiǵa bolǵan kezde ǵimaratta birneshe adam, sonyń ishinde eki bala shyǵa almai qalýy múmkin ekenin málimdedi. Oqiǵa kezinde bul ǵimaratta qurylys jumystary júrip jatqan. Sondai-aq, politseiler bir zardap shegýshiniń úiindi astynan shyǵarylyp, aýrýhanaǵa jetkizilgenin aitty.
Delidiń órt sóndirý qyzmetiniń bastyǵy Atýl Garg tar kóshelermen aýyr tehnikalardy alyp ótýde qiyndyq týyndap, úiindilerdiń qolmen arshylyp jatqanyn málimdedi.
