Úndistannyń ońtústigindegi Tamil Nadý shtatynda bes adam qaza tapqan nóser jańbyrǵa bailanysty eń joǵary dabyl jariialandy. Bul týraly seisenbide Indian Express gazeti jazdy, dep habarlaidy QazAqparat.
Úndistannyń meteorologiialyq departamentiniń málimetinshe, úsh kún boiy tolassyz jaýǵan nóser jańbyr áli de jalǵaasady.
Úndistannyń tórtinshi iri qalasy jáne shtat astanasy Chennaidyń biligi tótenshe jaǵdaiǵa bailanysty apattan zardap shekkender úshin ýaqytsha turý oryndaryn daiyndady, apatqa qarsy áreket etý ulttyq kúshteriniń qosymsha toptary jumys isteýde.
Tamil Nadýda tolassyz jaýǵan jańbyr 500-den astam úidi qiratty, mektepter men kolledjder jabyldy.
Ótken aida da bul aimaqta jaýyn-shashynnyń normadan 43%-ǵa artyq túsýi tirkelgen bolatyn.
