Úndistan turǵyndary koronavirýstyq infektsiiaǵa qarsy álemdegi eń iri vaktsinatsiia baǵdarlamasy kezinde 2 milliard doza vaktsina aldy. Bul jetistikpen halyqty Premer-ministr quttyqtady, dep habarlaidy QazAqparat.
COVID-19 taralýyna jol bermeý jónindegi vedomstvoaralyq komissiianyń málimetinshe, Úndistanda 18 ai buryn koronavirýsqa qarsy jalpyulttyq tegin vaktsinatsiia naýqany bastaldy. Qazirgi ýaqytta eresek turǵyndardyń 98 %-y vaktsinanyń kem degende bir dozasyn aldy, 90 %-y tolyq egildi. Vaktsinalardy 12 men 18 jas aralyǵyndaǵy úndisterdiń 80 %-dan astamy aldy. Vaktsinatsiialanǵan balalardyń sany Úndistanda 50 millionnan asty.
«Eýropada juqtyrýdyń kezekti ósýi jalǵasýda. Qazir eń joǵary kórsetkishter Germaniiada, onda kúnine 140 myńnan astam jaǵdai tirkeledi, bul - eldegi naýryz aiynyń sońynan bergi eń joǵary kórsetkish. Sonymen qatar, ótken aptada aimaqta aýrýshańdyq boiynsha birinshi oryn alǵan Frantsiiada qazir azdap tómendeý baiqalady - kovid 120 myń turǵynda tirkelgen. Italiiada kórsetkishter shamamen birdei deńgeide», - dep jazdy komissiia.
Latyn Amerikasy elderinde infektsiianyń taralý qarqyny turaqtandy. Máselen, Meksikada ótken aptada, aldyńǵy uqsas kezeńdegidei, kúnine 30 myńǵa jýyq jaǵdai tirkeldi, bul aqpan aiynyń deńgeiine sáikes keledi.
Eń joǵary kórsetkishter Braziliiada áli de bar, onda kovid shamamen 70 myń adamnan anyqtalǵan. Infektsiia juqtyrýdyń osy deńgeii úsh aptaǵa sozylýda.
«Birqatar Aziia elderiniń biligi kovidtiń jańa, jetinshi tolqyny týraly aitýda. Ótken aptamen salystyrǵanda ósim eki esege jýyq boldy.
Ońtústik Koreiada kúrt ósý baiqalady, onda kún saiyn infektsiia juqtyrýdyń 40 myń jaǵdaiy tirkelýde. Sonymen qatar, Úndistanda ósý toqtap qaldy - elde eki apta qatarynan 20 myńǵa jýyq turǵyn koronaviýrs infektsiiasyn juqtyrdy», - delingen habarlamada.
