Úndistanda ál-Farabidiń 1150 jyldyǵy atalyp ótildi, dep habarlaidy "Ult aqparat" QR SIM baspasóz qyzmetine silteme jasap.
17 aqpanda Qazaqstannyń Úndistandaǵy Elshiliginiń qoldaýymen Niý-Delide Dj. Nerý atyndaǵy ýniversitette Shyǵystyń kórnekti oishyly Ábý Nasyr ál-Farabidiń 1150-jyldyǵyna arnalǵan dóńgelek ústel ótti.
Qazaqstannyń Úndistandaǵy Elshisi Erlan Álimbaev óz sózinde ál-Farabidiń mereitoiy UNESCO-nyń ataýly kúnder men oqiǵalar kúntizbesine engizilgenin jáne ony Delide merekeleý uly ǵalymnyń Dúniejúzilik murasyn zertteýge jáne zerdeleýge qýatty serpin beretinin atap ótti.
Is-sharaǵa qatysqan ál-Farabi atyndaǵy Qazaq ulttyq ýniversitetiniń delegatsiiasy qatysýshylardy ǵalymnyń ómiri men eńbekterimen tanystyrdy.
Dóńgelek ústelde sóz sóilegen jergilikti akademiialyq orta ókilderi men Úndistannyń ǵylymi ortalyqtary men institýttarynyń basshylary Ábý Nasyr ál-Farabidiń murasynyń mańyzdylyǵyn atap ótip, osyndai oqiǵalardyń eki eldiń mádenietin jaqyndastyrý úshin mańyzdy ekenin jetkizdi.
Bul is-shara ál-Farabidiń 1150-jyldyǵyna arnalǵan Úndistandaǵy merekelerdiń bastaýy boldy.
