QR Mádeniet jáne sport vitse-ministri Nurǵisa Dáýeshov ortalyq kommýnikatsiialar qyzmetinde ótken brifingide óner salasyndaǵy Umai ulttyq syilyǵynyń sharttaryn tanystyryldy, dep habarlaidy QazAqparat.
Ministr orynbasarynyń aitýynsha, atalǵan syilyq elimizde tuńǵysh ret taǵaiyndalyp otyr.
«Otandyq mádeniet jáne óner qairatkerleriniń shyǵarmashylyq jetistikterin tanytý, damytý jáne nasihattaý maqsatymen Qazaqstan Respýblikasynyń óner salasyndaǵy Umai ulttyq syilyǵy taǵaiyndaldy.
Bul syilyq Qazaqstannyń shyǵarmashylyq ujymdary men jekelegen óner qairatkerlerine eleýli shyǵarmashylyq tabystary men kásibi jetistikteri úshin «Teatr óneri», «Mýzykalyq oryndaýshylyq óner», «Horeografiialyq óner», «Teatrdaǵy beineleý óneri» siiaqty 4 nominatsiia boiynsha 19 premiia tabys etiledi», - degen vedomstvo ókili syilyqtyń júlde qoryn da atady.
«Syilyqtyń jalpy júlde qory 54 mln teńgeni quraidy. Onyń ishinde 2022 jyl Balalar jyly bolǵandyqtan, syilyq aiasynda «Úzdik balalar spektakli» degen arnaiy júlde taǵaiyndalyp otyr.
Syilyq 2022 jyly Qazaqstannyń shyǵarmashylyq ujymdaryna jáne jekelegen Qazaqstannyń óner qairatkerlerine 2020 jylǵy qyrkúiekten bastap 2022 jylǵy shilde aralyǵyna deiingi eki teatrlyq, kontserttik, shyǵarmashylyq maýsymdaǵy spektaklder, kontsertter, shyǵarmashylyq jobalar, óner týyndylary úshin tabystalady», - dedi Nurǵisa Dáýeshov.
