«Otbasy bank» áielderge arnalǵan «Umai» ipotekasyna ótinim qabyldaýdy 31 tamyzda bastaidy. Baǵdarlama boiynsha jańa jáne qaitalama naryqtan baspana alýǵa, sondai-aq turǵyn úidi jóndeýge nesie rásimdeýge bolady, dep habarlaidy ult.kz.
Ipotekanyń mólsherlemesi – jyldyq 14,8 paiyz, JTSM – 16,3-16,8 paiyz. Baǵdarlama Qazaqstannyń barlyq óńirinde júzege asyrylady. Ózge jyljymaityn múliktiń bolýy qatysýǵa kedergi emes.
Baǵdarlamaǵa otbasynyń tabysy 1,25 mln teńgeden aspaityn, sońǵy alty aidaǵy tólem qabiletin rastai alatyn áielder qatysa alady. Satyp alynǵan nemese jóndeletin úide qaryz alýshynyń ózi turýy tiis.
Turǵyn úi satyp alýǵa beriletin qaryzdyń eń joǵary somasy – 50 mln teńge, al jóndeýge – 15 mln teńgege deiin.
Bastapqy jarna Almaty men Astanada keminde 20 paiyz, óńirlerde 15 paiyz bolýy kerek. Qaryz somasynyń 80 paiyzyna deiin bank qarjylandyrady.
Ótinimdi «Otbasy banktiń» saityndaǵy «Beineqyzmet» nemese «Baspana Market» arqyly onlain berýge, sondai-aq bank bólimshesine júginýge bolady.
Baǵdarlama boiynsha satyp alynatyn turǵyn úi áieldiń atyna rásimdeledi. Nekede bolǵan jaǵdaida baspana erli-zaiyptylardyń ortaq múlki retinde tirkeledi.
