Ulytaý oblysynda qylmystyq is boiynsha oń sheshim shyǵarýǵa yqpal etpek bolǵan kásiporyn direktory para berý kezinde qolǵa tústi, dep habarlaidy ult.kz.
Polisia.kz málimetinshe, alaiaqtyq deregi boiynsha tergelip jatqan qylmystyq is aiasynda kúdikti tergeýshige aqshalai syiaqy usynyp, istiń óz paidasyna sheshilýine yqpal etýdi kózdegen.
Alaida tergeýshi zańsyz usynys týraly birden oblystyq Politsiia departamentiniń ózindik qaýipsizdik basqarmasyna habarlaǵan. Jedel is-shara barysynda kúdikti aqshany berý kezinde qylmys ústinde ustalyp, para retinde usynylǵan qarajat tárkilendi.
Kásiporyn direktory ýaqytsha ustaý izoliatoryna qamaldy. Qazirgi ýaqytta atalǵan derek boiynsha sotqa deiingi tergeý júrgizilip jatyr.
Qazaqstan Respýblikasy Qylmystyq-protsestik kodeksiniń 201-babyna sáikes, tergeý múddesine bailanysty ózge málimetter jariia etilmeidi.
Politsiia azamattarǵa para berý de qylmystyq jaýapkershilikke ákep soǵatynyn eske salyp, mundai áreket úshin aiyppuldan bastap bas bostandyǵynan aiyrýǵa deiingi jaza qarastyrylǵanyn atap ótti.
