Ulybritaniiada qańtar men shildede tirkelgen COVID-19 aýrýy men aýrýhanaǵa jatqyzýdyń shyńy qyrkúiek aiynda qaita qaitalandy.
Bul týraly COVID-19 taralýyna jol bermeý jónindegi vedomstvoaralyq komissiiasynyń Telegram kanaly habarlady.
Qazir 8 085 adam ortasha aýyr jáne aýyr jaǵdaida statsionarlarda em qabyldaýda. Vaktsinatsiianyń joǵary qarqynyna qaramastan virýstyń taraý qarqyny artyp keledi. Ulybritaniia - azamattary immýndaýdy koronavirýstan naqty qorǵanys retinde qabyldaityn Eýropadaǵy sanaýly elderdiń biri. Qazirgi ýaqytta COVID-19-ǵa qarsy tolyq vaktsinatsiialanǵan britandyqtardyń sany 65% jetti.
Amerika Qurama Shtattarynda halyqtyń jekelegen sanattary úshin mindetti immýndaý rejimi engizilýde. Djozef Baiden COVID-19 vaktsinatsiiasynyń jańa josparyn maquldady. AQSh Prezidenti óte juqpaly «delta» shtamynyń taralýy uzaqqa sozylýy múmkin ekenin atap ótip, koronavirýstyń mýtatsiiasynyń bul nusqasy jańa jaǵdailardyń kóp bóligin quraitynyn aitty. Jańa josparǵa sáikes AQSh federaldy Úkimetiniń barlyq qyzmetkerleri, sondai-aq onyń merdigerleri COVID-19 vaktsinatsiiasynan ótýi kerek.
