Ulybritaniia Qorǵanys ministrliginiń Twitter-degi paraqshasynda Ulybritaniia Kabýldaǵy úisiz janýarlarǵa arnalǵan panadan 173 it pen mysyqty evakýatsiialaǵanyn málim etti, - dep habarlaidy Tengrinews.kz.
Janýarlardy evakýatsiialaý operatsiiasy "Nuh kemesi" dep ataldy. BAQ málimetinshe, janýarlar panasynyń kei qyzmetkerine evakýatsiialyq ushaqqa otyrýǵa tálipter ruqsat bermegen jáne olar otbasy múshelerimen birge Aýǵanstanda qalýǵa májbúr bolǵan.
Evakýatsiialanǵan barlyq janýar Kabýlda ulybritaniialyq burynǵy áskeri qyzmetker Pen Farting uiymdastyrǵan Nowzad panasynda bolǵan. Ol Aýǵanstan janýarlaryn qutqarýdy 2006 jyly bastaǵan. BAQ málimetinshe, Pen kóshede júrgen itti asyrap alǵan, al ol urystaǵy seriktesine ainalǵan. Sóitip, 2007 ol itter men mysyqtarǵa kómektesetin qor ashqan.
Sonymen qatar, Ulybritaniianyń Aýǵanstandaǵy elshisi Lori Bristoý Aýǵanstannan ulybritaniialyqtarǵa kómektesken beibit turǵyndardy, sarbazdar men aýǵandardy evakýatsiialaý operatsiiasy aiaqtalǵanyn aitty. 13 tamyzdan beri 15 myńǵa jýyq beibit turǵyn men myńdaǵan áskeri qyzmetker evakýatsiialanǵan.
