Aqmola oblysy Stepnogorsk qalasyndaǵy «Estrada teatry» alańynda tarihta attary altyn árippen jazylatyn tanymal tulǵalarymyzdy dáripteýge arnalǵan sýretter galereiasy ashyldy.
«Uly dalanyń – Uly tulǵalary» atalatyn bul joba «Rýhani jańǵyrý» baǵdarlamasy aiasynda, sondai-aq Stepnogorsk qalasynyń 55 jyldyǵyna orai ornatylǵan. Saltanatty rásimdi shahar ákimi Erkebulan Baiahmetov ashyp berdi.
Sýret galleriiasyn uiymdastyrý «Stepnogorsk taý-ken himiialyq kombinatynyń demeýshilik qarajattary esebinen iske asýda. Saltanatty ashylý rásimine kásiporyn ókilderi, oblystyq uiym mamandary qatysty. Galereiaǵa qoiylǵan sýretter sonaý Kúltegin, Kerei, Jánibek handarynan bastaý alyp, Kenesary men Abaiǵa deiin jalǵasyn taýyp otyr.
Jobanyń basty maqsaty – óskeleń urpaqty óz tarihyna baýlý jáne el bolyp qalyptasýǵa septigin tigizip, ulttyń namysyna ainala bilgen kemeńger tulǵalar arqyly rýhani adamgershilik qundylyqtardy jańǵyrtý.
Aita ketsek, Stepnogorsk qalasy ákimi Erkebulan Baiahmetovtiń aitýynsha, ótken jyly qala aktivine, kásiporyn basshylary men shaǵyn jáne orta biznestiń ókilderine júzege asyratyn negizgi jobalar usynylǵan. Olardyń arasynda ortalyq alań men qalalyq parkti qalpyna keltirý, Qajymuqan Muńaitpasov eskertkishin ornatý, robot tehnikasy kabinetteri men IT klasyn satyp alý, qalanyń shaǵyn aýdandary men kentterde balalardyń oiyn, sport alańdarynyń qurylysy tárizdi jumystar bolǵan. Baǵdarlama baǵytyna sáikes 200 shara ótkizilip, 37 myń adam qatysqan.
Sondai-aq denmeýshiler tarapynan da birqatar kómek kórsetilgen. Máselen, balalardyń sport alańdaryn salynyp, áleýmettik jaǵynan az qamtylǵan otbasyna páter satyp áperilgen. Stepnogorsk qalasynda, Shańtóbe men Bestóbe kentterinde kitaphana men robot tehnikasy kabinetterin ashylyp, bilim jáne mádeniet nysandary jóndelgen.
