Almaty tehnologiialyq ýniversitetinde Elbasy N.Á. Nazarbaevtyń «Bolashaqqa baǵdar: rýhani jańǵyrý» jáne «Uly dalanyń jeti qyry» baǵdarlamalyq maqalasy aiasynda «Jastar jylyna» arnalǵan «Uly dalanyń - Uly kúni» atty Naýryz merekesi toilandy.
Merekeniń ashylý saltanatynda sóz alǵan Almaty tehnologiialyq ýniversitetiniń birinshi prorektory, professor Baýyrjan Nurahmetov ATÝ ujymyn Naýryz merekesimen quttyqtap, tolaǵai tabystar tiledi.
Elbasy N.Á. Nazarbaevtyń «Uly dalanyń jeti qyry» baǵdarlamalyq maqalasyn qoldaý maqsatynda maqalada kórsetilgen baǵyttar boiynsha ár fakýltet ujymy ulttyq salt-dástúrlerden kórinis qoidy. Atap aitsaq, «Injinirinig jáne aqparattyq tehnologiialar» fakýlteti «Atqa miný mádenietin» kórsetti. Kórermender «Jeńil ónerkásip jáne dizaiyn fakýlteti» daiyndaǵan «Uly daladaǵy ejelgi metallýrgiia» jáne «Ań stili» baǵyty boiynsha kórinisti tamashalady. Ýniversitetimizdiń tehnologiia-ekonomikalyq kolledji «Altyn adam» týraly kórinis qoidy. Al «Ekonomika jáne biznes» fakýlteti «Túrki áleminiń besigi» atty kórinisin usyndy. «Taǵam óndiristeri» fakýltetiniń oqytýshylary men stýdentteri «Uly Jibek joly» jáne «Alma men qyzǵaldaqtyń otany - Qazaqstan» atty keremet kórinisterin qoiyp, kórermen yqylasyna bólendi.
Shara barysynda ýniversitet stýdentterinen quralǵan «Dombyra-dastan» orkestri, «Tumar» bi ansambli men «Asylym» vokal úiirmesi jáne ATÝ-dyń belsendi stýdentteri án shyrqap, bi bilep, kúi oinap, sharanyń sánin kirgizdi.
Merekelik sharada «Eń sándi ulttyq kiim» nominatsiiasy boiynsha baiqaý ótkizilip, erekshe daiyndyqpen kelgen qatysýshylar marapattaldy. Nominatsiia iegerlerin ýniversitettiń tárbie isi jáne áleýmettik máseleler jónindegi prorektory Qaltai Batholdin marapattady. Kontserttik baǵdarlamadan soń Naýryz merekesine orai «Arqan tartystan» jarys ótkizildi. Al kelgen qonaqtar ulttyq taǵam – Naýryz kójeden dám tatyp, Ulystyń uly kúnine arnaiy jaiylǵan dastarhannan aýyz tidi.
Shara sońy «Impýls» bi toby men tehnologiia-ekonomikalyq kolledjiniń stýdentteri arnaiy daiyndaǵan zamanaýi bimen qorytyndylandy. Naýryz merekesine orai ótkizilgen bul shara ulttyq merekeniń mánin túsindire otyryp, tatýlyq pen beibitshilikti saqtaýǵa baǵyttaldy.
