«Tsifrlandyrý, ǵylym jáne innovatsiialar esebinen tehnologiialyq serpilis» ulttyq jobasy aiasynda halyqqa qyzmet kórsetý ortalyqtary tsifrlyq jáne videoqyzmetterin iske qosady, dep habarlaidy QazAqparat.
Bul týraly QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Ortalyq kommýnikatsiialar qyzmetinde ótken baspasóz máslihatynda aityp berdi.
«Memlekettik qyzmetterdi 5 minýtta kórsetý» baǵytyn iske asyrý sheńberinde protsester men fýnktsiialardyń tsifrlyq reinjiniringi ótedi. Sodan keiin ǵana ony tsifrlyq onlain formatqa kóshirý kózdelgen. Odan bólek, memlekettik qyzmetterdi kórsetýdiń proaktivti formatyna kóshýge múmkindik beremiz. Jeke qatysýdy talap etpeitin qyzmetter balamasyz túrde iaǵni tsifrlyq formatta ǵana kórsetiledi. Óz kezeginde negizgi kórsetkish avtomattandyrylǵan qyzmetterdiń sany emes, tsifrlandyrylǵan jáne proaktivti ómirlik jaǵdailardyń sany bolmaq», - dedi Baǵdat Mýsin.
Mysal retinde, bir baspanadan ekinshi baspanaǵa kóshý tek qana quqyqty rásimdeýmen ǵana shektelip qoimaidy. Kóshý máselesi – telefondy ornatý, kvitantsiiany turǵynnyń aty-jónine tirkeý sekildi ómirdegi jaǵdailarǵa sai barlyq tsifrlyq qyzmetti beiimdeý qajet.
«Kóshý máselesine tek vedomstvolyq, memorgan jaǵynan ǵana qaramai, adami turǵydan «memlekettik qyzmetti qalai kórsetý kerek», «ol qyzmet ne úshin kórsetilip jatyr» degen suraqtarǵa jaýap taýyp, sol qyzmetterdi bir ómirlik jaǵdaiǵa biriktiremiz. Sodan keiin tsifrlyq formatqa kóshiretin bolamyz. Arhitektýra men úrdister klienttik tájiribe negizinde jáne memorgannyń ǵana emes, ómirlik jaǵdai turǵysynan qurylatyn bolady. Halyqqa qyzmet kórsetý ortalyqtarynda memlekettik qyzmetterdi jyldam jáne sapaly alý maqsatynda tsifrlyq HQKO, Video HQKO-lar qosylady. Iaǵni, kez kelgen azamat áldebir jaǵdailarǵa bailanysty tsifrlyq tehnologiia qoldana almai jatsa, HQKO mobildi qosymshasyn smartfonǵa júktep, ózi beineqońyraý arqyly habarlasyp, videoqyzmet alatyndai etip jasaimyz. Jáne HQKO-lardy servistik modelge kóshiremiz. Iaǵni qazirgi ýaqytta bizdiń operatorlar halyqqa qyzmet kórsetip otyr, biz ol júieni ózgertemiz. Halyq HQKO-larǵa kelgende operatorlar tek qana konsýltatsiia beredi jáne tsifrlyq tehnologiialarǵa beiimdeý máselelerin sheshetin bolady», - dep túsindirdi Baǵdat Mýsin.
