Ulttyq valiýta baǵamy KASE qor birjasynyń 11 qazandaǵy tańǵy saýdasynda dollaryna 330,37 teńgege teń boldy, - dep habarlaidy Ult.kz tilshisi kaz.tengrinews.kz portalyna silteme jasap. Eske salaiyq, 10 qazandaǵy kúndizgi saýdanyń qorytyndysynda ulttyq valiýtanyń ortasha baǵamy 332,35 teńgege teń edi.
Tańǵy saýdadaǵy birinshi kelisim 330,5 teńgemen aiaqtaldy. Minimaldyq quny - 330,25 teńge. Maksimaldyq quny teńgege 330,7 jetti. Saýda kólemi 25,6 million dollarǵa teń boldy. Astana ýaqyty boiynsha saǵat 10.39 jaǵdaiynda ICE birjasynyń málimetinshe, Brent markaly soltústikteńiz munai qospasynyń quny barreline 53.06 dollar boldy. Kurs.kz málimetinshe, aiyrbas oryndarynda dollar 330-332 teńge aralyǵynda saýdalanyp jatyr.
Aita keteiik, osyǵan deiin teńgeniń áli de álsireýi múmkin ekeni aitylǵan edi. "BRB Invest" JShS direktory Ǵalym Qusaiynovtyń pikirinshe, teńgeniń osylaisha álsireýine munai baǵasynyń tómendeýi áser etip otyr. Onyń aitýynsha, munai baǵasy bir aptadan beri túsip ketti. Sondyqtan ol teńgeniń álsireýine qatty áserin tigizýde. Al ekonomist Timýr Ábilqasymovtyń aitýynsha, ulttyq valiýtanyń álsireýine rýbl baǵamy men munai baǵasynyń tómendeýi yqpal etip otyr.
